الإرث الهلالي ...والشعر الحماسي عند عتيبة في الماضي

[سعد السبيعي]

اخوي هنيدس ..
بالنسبة للشيخ سرحان شيخ مشايخ بني هلال وهوازن...حاول تقرا تواريخ المغرب ..
انت لو تكلم في قبيلة ثانيه ماقلت شي لاني يمكن اجهل الكلام بس انت تتكلم في شي معروف عندي وعند غيري من بني عامر من صعصعه يعني مثلا يصح تقول شيخ مشايخ سبيع الهوازنيه انت من نفسك امسك الكتاب واقرء اسم سبيع وهلال وشف وحكم وانا ماانكر ان عامر بن صعصعه من ابناء هوازن ولكن افترقو عند هوازن (( حلوه افترقو شارع ماهو اصل )) وسبيع هي القبيلة التي حاملة لواء عامر بن صعصعه في نجد والجزيره العربيه صحيح مو كلها من عامر بن صعصعه بس الاغلبيه

اما ان شيبان وشباب قحاطين !!!!!!!!
فهذا كلام ما عليه لا دليل ولا سند ..
.
هذا الظاهر اني قلتلك اللي اعرفه يعني اللي سمعته على كلام رجال قحطاني واللي اثبتلي وخلاني اقتنع ان الشيابين من قحطان هل الكلام هذا صحيح واذا مو صحيح ياليت تفيدني ( لان هذا اللي اعرفه )

وانا ماقلتلك نكذب ابن خلدون بس انا كل من تكلم قال مصدرك ابيك تفكر معي في حاجه وهي ان العلماء اللي كتبو عن تاريخ القبايل ونجد كلهم حظر يعني لاجاهم احد سألوه يعني تهقى ان اللي ذكروه كل حوادث نجد يعني فالعقل بس يسالون ولا ياردون الماء يعني مثلا بيني وبينك حرب وانت كسرتني وجاء احد من جماعتي من ضعاف النفوس واللي يحب الكذب وساله ابن خلدون بيذكر السالفه لنا وبيسجلها ابن خلدون لنا وتفلس انت ولاجيت تكلم وتقول هي لنا قلت وين مصدرك وراحت عليك السالفه (( والله الغبنه ههههه))) اعذرني على المثال بس هو اللي طرى علي الحين ...

عندك مثلا عالم مدري والله شسمه ناسب حرب السبيه لأل سعود وهي لسبيع والسهول والقرينيه وعساف طلب مشاركة ابن سعود لطيب حظه حتى قال عساف (( نجمع حظ بني عمر وحظ بن سعود )) مع انه ماشارك بس باني خيامه وبروي لك السالفه وقت ثاني لا ويقول هناك قبيله تسمى سبيع تنسب الحرب هذي لها شفت شلون هظم حقنا والقصايد كلها موجوده اللي ارسلها عساف للقرينيه والسهول وسبيع اللي فوق وابن سعود وارسل لقبايل ماشاركت ولاجت (( جحدونا ههه ))
....

وانا والله ماقول الكلام هذا حقد عليكم ولا بيني وبينكم شي والله العظيم وبالله الرحيم انكم غالين علي ياعتيبه وان اغلب اخوياي عتبان ولكن دخلت عليكم وشفت المواضيع هذى وقلت افيدهم باللي عندي ويفيدوني باللي عندهم

وشاكرلك على سعة صدرك ..

اخوك / سعد السبيعي |4|