دره من درر بديوي الشاعر الوقداني

[عبدالرحمن الهيلوم]

	الطيب فرصـه والجمايـل توافيـق ****** ومن لا توفق ماكتـب لـه جمالـه ومن لا رقى للطيب روس الشواهيق ****** مازان لـه وقتـه علـى مابدالـه ومادام لفعول الجمايـل عشاشيـق ****** كسب الجمايـل مايجـي بالسهالـه ولو انها تشرب مـع فكـة الريـق ****** كلن خذاله كل مـا أصبـح بيالـه والطيب منوه للقلـوب المشافيـق ****** كلن يتـوق ومنوتـه راس مالـه والمدح مايزهي على الرجل ويليـق ****** الا لا صـارت وافيـات خصـالـه يستاهلـه رجلـن يفـك المزانيـق ****** اللي يقـال ونعـم لا جـا مجالـه ومن ساقته نفسه وهو مابعد سيق ****** لأجـل الجميـل يزيـن الله فـالـه والمرجله ماهي بتحتـاج تنسيـق ****** من بين قلب اللي عشقهـا وبالـه ومن عادة الدنيا تخـون المواثيـق ****** تفتـر مكرتهـا سـوات المحالـه ولولا اللوازم ماعرفنـا المخاليـق ****** مانعـرف الرجـال ليـن انعنالـه والكفؤ تظهر فزعته حـزة الضيـق ****** وينشاف في الشده بعيـن العدالـه نسل الرجـال متعبيـن الملاحيـق ****** متوسطن من بيـن عمـه وخالـه واللي يطيق ولابغى قال ما أطيـق ****** تحرم عليـه المرجلـه والشكالـه والهينه تكبر على اللاش والهيـق ****** له في الرخا قاله وفي الضيق قالـه والطيب شاره والضماير صناديـق ****** واللاش طيبه مـا تعـدى ظلالـه وأنا أسبر قلوب الرجال المغاليـق ****** والصامت أقطع غايته مـن مقالـه ومادام في الدنيا رجـال ومطاليـق ****** نصيتهـم والـلاش مالـي ومالـه