معجب مع الشعار شاعر مير ماعنده شعور

[فايز بن سرحان الثبيتي]

معجب العتيبي

ان كـان ماقلتـه حقيقـه لاتلـف ولاتــدور
ان كنت رجالٍ ظفـر وان كنـت رجـالٍ ظفـر
هات الحقيقه وانتبه يلحقـك ياطيـب غـرور
وابعد عن دروب القشر وابعد عن دروب القشر


سعود البرقاوي

نور القمر تال الليالـي ياعـرب ماهـوب نـور
وش صار في نور القمر وش صار في نور القمر
جتـك الحقيقـة واستلمهـا يالعتيبـي ومعـذور
لو كان ماعندك عذر حتى ايش لو عنـدك عـذر


معجب العتيبي

نور القمر بيّن لكن بين البشر عميٍ وعـور
عجيب يادنيا العبر عجيـب يادنيـا العبـر
بعض الحقايق تختلف بأسباب نقطه فالسطور
ياسعود دقق فالسطر ياسعود دقق فالسطـر


سعود البرقاوي


ياعسكري وجهك نشوفه عند اشارات المرور
في صبح والا في ظهر في صبح والا في ظهر
اضحكتني وادخلتني جو الوناسة والسرور
خلك يامعجب مستمر خلك يامعجب مستمر




الله اكبر اعجبني في الابيات الفتل والنقض على مستوى عاااالي

صحت قلوبكم

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن