صياف الحربي=
اشوف مستور العصيمي جاب حبله وجملـــــــه =وليا قضى تمر الحساء جاني يبي تمر القصيم
ان مــد وحــده من يديــه امـلا يــدي واحطلـــه =وان كــان مد يدينه الثنتيــن اقــول الله كريــم
مستور العصيمي=
ان كان عندك تمر جيتك بالبعيــر وحملـه =لكن لا تخلط لي التمـر الجديد مع القديــم
اظن صياف السحيمي ناسيا ويـش قلتلــه =وان كان يا صياف ناسي قل بالله العظيم
صياف الحربي=
التمــر يامستــور مــا عندك سنــون تاكلـه =أكل الضروس السوس والنيبان مافيها سليم
ياللي تبي ترضي هذاك وذاك تبـي تزعلــه =اهون عليك اللفلفــه والا الطـريق المستقيــم
مستور العصيمي=
لابــدنــا نلقــى لنــا غيــرك عميــل نعاملـــه=وانا ضروسي من حديد وتكسر العظم الصميم
وان كان ماتدرون ويــش الراي خلــوه لهلــه =قــد قيــل بالامثــال مانــزال شدد لـه مقيــم
صياف الحربي=
ينفــك بــاب الخـير للطرقي وحظــه يقفلــه =درب الصحيح يجيده العاقل ويخطيه الغشيم
اليا نقصــت الكيــل والمكيــال قلنــا كملــه =حنا ترى ماعندنا فاصحابنا خشم وخشيــم
مستور العصيمي=
بان الصحيح وكل رجــال عرفنــا منزلــه =احد حياته في شقا واحد حياته في نعيم
اللي يبي كحل العيون يلد يمي واكحلــه=والا على قول المثل مال الغريم الا الغريم
« آخـــر الـــمـــشـــاركــــات »
العرض الشجري