الشاعر مطر عيد القحطاني قصيده جديده

[الشاعر مطر عيد القحطاني]

ندى المطر على زهور النباتات
ماكنه الا دمعتي يوم فرقاه

دمع ذرفته غصب لك أنت بالذات
يامالك قلبي من أدناه لأقصاه

الله من ليل العنا والمسافات
والشوق وأطياف المحبين والآه

الله ياوجه حوى كل الآيات
مستوطن كل الحلا في محياه

له وحشة في غيبته مثل الآفات
وله نظرة بالعين ماهيب لسواه

تقضي على العاشق وتقتله بسكات
عين أشقر حول على القلب وأدماه

وهموم قلبي كل ما اطريته وجات
قامت تقص ضلوع صدري وتفراه

يمكن يقال أني من عداد الأموات
وأنا على قيد الحياه اتحراه

جبر القلوب الظاميه والعفيفات
شوفه وهمساته وقربه ولاماه

رسالة ماناشها كف شمات
وحرف معانيها على كيف معناه

يمكن أشوفه لو تطول المسافات
ويطيب جرح القلب من داه ودواه ..

(( ملاحظـه / سيتم انزال قريبا قصيده من كلماتي .. بغناء فنان العرب / محمد عبده ))

آخر تعديل الشاعر مطر عيد القحطاني يوم 22-Nov-2009 في 11:21 AM.