هذه القصيده مهداة للشاعر/فلاج محمد المرشدي بمناسبة زواجه

[شبل الطروره]

مبروك يافلاج مليون مبروك=مبروك ياراع اليمين الطويله
ننثر لك وورود الفرح شعر محبوك=في ليلتن ماتنتحلى بليله
مدهون بالريحان بالمسك مدعوك=فيه الدرر ماجود باصعب وسيلة
ينطق به لساني ولايقرب البوك=من ثقله الابواك عيت تشيله
وبالحفلة اللي كنها حفلة ملوك=لازم جنون الشعر يصهل صهيله
أصحابك تهني والأجناب هنوك=بحفلة زواجك يارفيع النزيله
سلايل اللي بابهم دوم مفكوك=مفكوك للخطار صبحه وليله
فيهم كرم فطره مع الدم مشروك=ولهم على العليا بروق ومخيله
اللا ماتطرا وعلى لسانهم دوك=وللجار ستر وللمسايير حيله
ويوم المواجه بين صاكك ومصكوك=يردون حوض الموت ماهي ذليله
قوم ٍ ترد الذود لو دونه الشوك=شوك السيوف اللامعات الصقيله
بشلفن تثر الدم بالأرض مدكوك=وإلا بخشم بارود يقدح فتيله
فعل الطروره صدق ماهو بمشكوك=يشهد لفعل أجداد حضار جيله
ويشهدلهم من طاح خلوه متروك=والآخر متون العواين تشيله
تاريخهم بالمجد والعز محيوك=ماينمحي مادام صبحه وليله
وأخذ التهاني من محبين حبوك=حب الشرف ماهو بحب الرذيله
تعزهم في ضيق وبضيق عزوك=ربعن على شانك تشيل الثقيله
وتعينهم في حال وبحال عانوك=وأنته سندهم فالليال العضيله
عن عزوة أهل الطيب غنيت بصكوك=ربعن تعلوا بالجبال الطويله
ولولا غلاك وحشمتك كان ماجوك=ربعن لفولك من مسافه طويله
وختامها مبروك مبروك مبروك=مبروك ياراع اليمين الطويله