حفل معايدة مركز كلاخ والاحياء المجاوره له

[محمد الشامان الحشيبري]

°ˆ~*¤®§(*§*)§®¤*~ˆ°بسم الله الرحمن الرحيم°ˆ~*¤®§(*§*)§®¤*~ˆ°

السلام عليكم ورحمة الله وبركاته ام بعد


الى كل الاعضاء والمتصفحين كل عام وأنتم بخير وعافيه وأسعدكم الله ونور دروبكم

الموضوع حصل في يوم( 5\10\1431هجري حفل معايدة لمركز كلاخ والاحياء المجاوره له وماقصروا

القايمين على المركز دعوا القبايل المجاوره للمركز وكانت البرامج جيده وجميله حيث بدا الحتفال من

الساعه الرابعه عصرا البدايه مداخيل القبايل وكانت عروض طيبه وردحات معبره من الكل ثم عروض الخيل

من مدرسة الخيال والفارس فهد الجعيد وكانو على اكمل وجه الفرسان من سباقات وأستعراض

واما بعد العشاء الحفل الخطابي وكانت لي مشاركه في هذا الملتقا الرئع واحببت أن اطرحها لكم في

هذا السرح العالمي

بدية بسم الله وذكره بدايه=يحفظ لنا القران صوره وايه
و الله يمكنا دروب الهدايه=وعلى النبي منا صلاة وتحيه
سلام مني للرجال النشاما=عداد منصلى صلاته وصاما
وعداد من كبر ولبس الحراما=سلام وافي يالقروم الوفيه
جينا نشاركم وجينا نعايد=حسب السلوم الطيبه والعوايد
وياجعلكم في خير والعيد عايد=وتبقون ياهل الطيب والشاذليه
جانا الخبر بالحفل والنور بادي=قلنا مشانا والمنادي ينادي
معاد فيها علم ولا قعادي=لزومكم يالربع والنار حيه
هاذي عوايدنا وسلم القبايل=نمشي على المنهاج فعل ودلايل
ونقوم بالوجب مع اهل الفعايل=وانتم وحنى كل بونا سويه
يامركز الاحياء تجمل وعيد=يومك بذلت الجهد واليوم سيد
دايم فعولك طيبه صنع جيد=والله يوفقكم لحل القضيه
الي على المركز رجالن صدوقه =دايم تطالبله وتاخذ حقوقه
والله يقويهم بزادن وطوقه=طالبك يالرحمن جزل العطيه
اللي يبونه مننا يبشروبه =أهل بسل معكم وفيه محسوبه
والجدر يبنا طوبتن فوق طوبه=والله يبارك في رجال الحميه
والله يحفظ شعبنا والقياده=ويعز ابومتعب زعيم السياده
وسلطان ابو خالد ونايف زناده=ودوم رايتنا ترفرف عليه
وتمت وحكم الله على كل مخلوق=هذا كلامي سالم الكذب والعوق
من هاجس الحكمه ومن هاجس الذوق= والله يقوينا على كل هيه