( يا أجمل إحساس ) للتواصل معكم!!!!

[عبيدالله العرابي]

ياأجمل إحسـاس لـوم النـاس وش يعنـي=لاصـــرت لاتـكـتــب أحــزانــي ولا تــقــرا
إن جــيـــت أزورك تـقـابـلـنـي تـودعــنــي=وإن جيت أوادعك قلت جروحنا خضرا
بــيــن إنـتـظــارٍ قـطـعـتـه لــيـــن ضـيّـعـنــي=وحبـال وصـلـك وغـبـات الـهـوى الكـبـرا
أغـيـب وأشـتــاق وآخـــر لـيــل يجمـعـنـي=عــلــى مـواويـلــك ألــقــى لـلـغــلا مــســرا
أهــد الأحــلام فــي سـاعـة لـقـى وأبـنــي=قــصــرٍ تـخـيـلـت فــيـــه أشـوقــنــا عـــــذرا
صــــدك وذكــــراك تـنـقـذنــي وتـغـرقـنــي=وأنــــا إبـتـسـامـات وقــتــي كـلـهــا صــفـــرا
كــم سـقـت أمانـيـك ياغـيـثٍ تـواعـدنـي=يمـسـي خيـالـي خـضـار وواقـعـي صـحــرا
ياأجمل إحساس قول أسمعك وإسمعني=يـمـكـن مـعــك نـتـفــق وجـروحـنــا تــبــرا
أمـــا إنـــي أقـنـعـك ولاّ قـــول وإقـنـعـنـي=لـو قـالـوا القـلـب ســوق البـيـع والمـشـرا
إلا أن ودك بـــعـــد صــــــدك تـفـارقــنــي؟=غـــدرى ليـالـيـك مـثــل أفـعـالـهـا غــــدرا
لاصــرت تـامـر وأطيـعـك كـيـف تمنـعـنـي=علمتـنـي لــو عصـيـتـك ماكـسـبـت أجـــرا
يا أجمل إحسـاس كـل اللـوم وش يعنـي=مـادمــت لاتـكـتــب أحــزانــي ولا تــقــرا