الرجل السمين

[غالب العواد]

بمناسبة روحة الشيخ حميد بن رازن الذيابي والشيخ ربيعان بن جبر الذيابي للشيخ الشغار أبو سلطان أعتقد ان اسمه ناصر لقضي لازمهم وهو طلب فحل من عنده ولا بمعرفته للشيخ ربيعان ابن جبر صاحب المجاهيم وقضى لازمهم الشغار بيض الله وجهه وجزاه الله خير الجزاء وبارك الله له فبما يملك ولاكن لم أتطرق للموضوع لأن الموضوع سدنا فيه ابو بندر ولاكن يستاهل المدح ابو بندر لأنه هو المعرفه لدى الشغار ومدحت في شخص حميد ومدحت ذوده المغاتير بهذه المناسبه.

البارحه يوم العباد امرقدين=قامن بنات الفكر ترقص بالعباه
وفالخايع الممطور مابين اجبلين=شبيت ضون يعجب السامر سناه
يابدر ابن حميد يالرجل السمين=الله عطانا كنز واحد فالحياه =
وكل القبايل يوم أقوله خابرين=فالداهيه لا جا العدد بين الدهاه
حميد ابن رازن سند للدولتين=برقا وروق إيذود عنهم من صباه
يزود دايم جاه ( طيب ) مع طول السنين=مثله عسى ربي من العين إيحماه
كريم وافي واجهه شاعر فطين=اعلامنا المطنوخ ألا لافض فاه
اله الهدو ويش الجمل ويش اجملين=وكل القبايل ودها تهدي علاه
ومن ماملك وضحٍ معه عده سجين=اموبدٍ فالسجن مع طول الحياه
الله ايكافيها اعيون الحاسدين=تنجو من الحساد منجاة البراه
لاجن فيهن غافلن عن غافلين=الأرض أرضه والسما هاذا سماه
سنام منفهقٍ عريض المنكبين=مابينهن ياسع لصفين الحداه
والراس راهي والخشم به كسرتين=ومشاربه يومي بهنه من ضفاه
جمبه يذكرنا بنصح الناصحين=ولحيه ايخلي من سفه وصفي وراه
هده ابوضحٍ لونهن لون الطحين=عماق نوقن عمقهن مابي غواه
يكفيه عن ذوده لو أذكر ناقتين=كسبن لجدانه ورثهن اعن أباه
الطافحه على ام شريان اثنتين=كنهن اجبال اطويق وجبال السراه
لو جا المزاين طق راهي بأصبعين=من المراكز غير الأول ماتباه
ومن ماقنى وضحٍ معه عده سجين=اموبدٍ فالسجن مع طول الحياه
ومادل ياعمي يكف السامعين=وطول القصيده مايشد الإنتباه

25/10/2010م