شاعر الروقه بعد الزلامي ( زبن القاضي وصقر سليم )

[ابو فايح]

الأيام الأخيره مالنا ألا زبن القاضي الله يعينه علينا ههههه

طاروق قديم رائع وجدته فالأرشيف لدي


طاروق مميز بدأه صقر سليم يشيد بشاعرية زبن القاضي ولفته للإنظار خصوصا فالحجاز ولو أن أسلوب البيت الأول فيه نوع من الإحراج والمكر الشعري من صقر في محاوله لإحراج زبن القاضي مع شعراء عتيبه لو وافقه على ذلك ولكن جاء الرد رائع من زبن القاضي بأن شعراء عتيبه كلهم كفوء وفيه إحراج لصقر سليم أنه يمثل سليم كلها.



ملاحظه : الطاروق قديم قبل إعتزال عوض الله السلمي (أبو مشعاب) وكان بحضوره شخصيا وحضور وصل العطياني وشبيب الزراقي
وأيضا قبل أن يظهر لقب شاعر الهيلا على الساحه

صقر سليم

يا مرحبا ترحيب وافي بالقريب والبعيد = بإسمي وبإسم الشيخ صالح والقبيله كلها
ليل (ن) يجيب أهل الكرامه والشجاعه ليل عيد = والله يعز الشجره اللي كلنا في ظلها

زبن القاضي

دام البقا بالعزوه اللي فالمواقف ما تحيد = واللي يبا كل العلوم الوافيه ياصل لها
ليل (ن) جمعنا ياصقر معكم هذا ليل (ن) سعيد = أنا كفو وأنته بعد يا صاحبي كفو (ن) لها

صقر سليم

قود السنع يا شاعر الروقه بعد حضرة رشيد = خابرك ما تبغى دليله فالدروب تدلها
العام ظلعك من خشب واليوم ضلعك من حديد = تنظر بعينك والسيوف المرهفات تسلها

زبن القاضي

عتيبه الهيلا هل الطاله ترى ماني وحيد= وأنته يا ابو تركي تمثل لك قبيله كلها
العام وإلا اليوم تلقى عندنا الرأي السديد= عان البروق تلوح في دار الشمال إفطن لها

صقر سليم

عتيبه الهيلا تكفيها عصاة ابن حميد = ماهمنا وقت المواقف كثرها من قلها
كثر الواعيد والسوالف يالعتيبي ما تفيد = النجم لإن حول على روس الجبال يهلها

زبن القاضي

مشعابكم قطعة خشب ماهو بسيف ابن الوليد = قبيلة(ن) تاريخها المشعاب صار اسم (ن) لها
كل (ن) يعرف الموت للإنسان في حبل الوريد= واللي يبا الجنه على طول الزمن يعمل لها

صقر سليم

أهم شي إنه يكفيكم هذا العلم الأكيد =إليا غزينا به على ديرة زبن نحتلها
إن كان تبغى الموت جاهد لاتموت ألا شهيد =وإن كان تطمع فالحياه إحفر لها وإدفن لها

زبن القاضي

خمسين عام أحفى متونك ما يضوي لك رصيد = واليوم تفخر به لكنك يالبقيلي فلها
إحذر لا يلعب بك هوى نفسك ويغويك المريد =صل الصلاه الواجبه ياابن الأكارم صلها

التوقيع

عالم تويتر abofayeh@