تحت العجاج مطر!.

[معجب العتيبي]

عيدالعازمي

سلام ياعين المتابع والمطر عقب العجاج=براق فالمغرب وفالمشرق ليا فرّق نشا!!
وصلت هموم العالم الثالث غطا عنق الزجاج=وان طارت الغطوه يروح العالم الاول عشا!!

علي العضياني

ايا مرحبابك يالمسلّم و إطلب الله فالخراج=فالشرق و المغرب ليا منّه مشا حالك مشا
ما بعد تعقيد الحجاج الاّ يجي فلّة حجـاج=الأمر يالمخلوق للخالق يدبّـر مـا يشـا

عيدالعازمي

بين العداله واهلها عن عالم الفوضى سياج=والفضل لله ثمّ للي قدرهم جوف الحشا!!
روس التجنّي والتغطرس قدّمت وسط الحراج=وانته تغني للفجر من عقب توديع العشا !!

علي العضياني

الطيبين اللـي يعيشـون بمسـرّه و إبتهـاج=ما تستمع في كلمة الواشي ليـا منّـه وشـا
الفوضه اللي عودّت موضه و حجّه و إحتجاج=بعض العرب كلٍ على الثاني من الغيض إحتشا

عيدالعازمي

مادام منهج صفوة الاخيار فالديره سراج = سيّر بمان الله من الفيضه ليا واد الرشا!!
تبيّن المستور واالمايل بقي دونه زجاج = اللي بناها فوق جرف الدور جايه مارمشا!!

علي العضياني

دايم ترى العدّ القراح أبرك من العدّ الهماج=و لآ يشرب ألاّ وارد الجمّه بمفتول الرشا
مدري وش اللي تستفيده يوم عكّرت المزاج=يا عيد , عيّد . و إسترح و إكو العمامه بالنشا

عيدالعازمي

عسى النصيري في لهيب النار في كل الفجاج = يرتاح منه اهل الفريضه عقب حزبه ينهشا!!
ان كان مظهارك على الطاغين نكبه وارتجاج = ليتك ظهرت ايام خاميني ونهجه مافشا!!

علي العضياني

ما فالصراط المستقيم اللي مشيناه إنعواج=و اللي يفوز بما يريد بنشوة الفوز إنتشا
الشايعه تلقى على لسان الدعائيّه روَاج= لو قلت للعقّال من هو قالها , قالوا حشا