ردي على سداح

[غالب الذيابي]

مجاراة لقصيدة الشاعر الكبير سداح العتيبي.. اعجبني معناه الساخر

وقررت مجاراته مع اننا اختلفنا في الاسلوب .. لكن كما تمعنت في قصيدته

وعرفت مايرمي اليه اتمنى ان تتمعنوا قبل الحكم على ردي..

سداح العتيبي يقول:

ياربعنا اللي ورى رضوان=شوفوا لنا بيوت شعبية
بإيجار ماهيب بالمجان=مشريّة غير مهديّه
الله ولا منّة الديان=لو كلكم مني وفيّه
الوضع مخطور في هدلان=حسب الظروف السياسيه
اللي وصل من قصر دسمان=مجموعة أخبار سريه
مضمونها سم بالرحمن=وانحش عن الداب والحيه
والله أعلم .. ياضرب ايران=خلال الايام هذيه
عان البحر فاض بالحيتان=ولا عاد فالحور حوريه
واجواء البلد كلها دخان=وحدودها غير محميه
واحمد نجادي طويل لسان=يزمر بعد خربت النيه
الفرس صفوا له الفرسان=في دارها نارها حيه
والمشكله قفل البيبان=ولا يقبل حلول وديه
يقول لملهي الرعيان=غرد لعين الخمينيه
وحنا ليا ميل الميزان=تقاطعونا الحراميه
كم بيننا سارق وخوان=هذي علوم حقيقه
خورشيد .. والمهري .. وسستان=وعبدالحسين وبني خيه
والبهبهاني وابو هبان=وغلوم .. يالعنبوا حيه
جيران ما تعرف الجيران=مله مع الناس ملويه
بكره تكشر لك النيبان=وتظهر لك امواس مخفيه
واول ما يقعد بها البدوان=وين انت ياناطح الهيه
ويمكن بعد شرذمة طهران=ترشنا بالنوويه
نبا نسرمد مع الخليان=ماعاد فالوقت ماويه
نسلم وناكل لحوم الضان=ونشرب حليب السعوديه

رد غالب الذيابي

سداح وانته سليل حصان=وجينات دمّك عتيبية
أشهر سوات أشقر الجنحان =مادام الاجوا طبيعية
ايّاك ومقابل الحقران=وش لك ووش للصباحية
ديرة رخى تشبع الجيعان=وفالحرب ما تنطح الهيّة
قانونها رخص الشجعان=وأغلا ثمن كل دونية
نص القبايل تقول أفغان=بدون مافيه جنسية
ومحمود حيدر يجر الحان=على القصور الأميرية
وربع الجويهل غدوا شيخان=ولهم مزايا سياسية
سداح ياطايل الذرعان=الذل لارحم أبو حية
عليك بديار ابن وبصان=شيخ السلف ورث جدية
شيخٍ شداده من الجدان=وأمارته نارها حيّة
وانته من الحفر لدعيكان=وألا عبال الرماحية
تلقى هل الطايلة والشان=كب الديار الكويتية

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر