محاوره((شاعر المعنى محمد بن شديد وحسين بن شتوي))

[الحد الرهيف]

هذه المحاوره بين شاعر المعنى
الشاعر محمد بن شديد
والشاعر حسين بن شتوي الحبابي
حبيت نقلها لكم هنا امل ان تحوز علي رضاكم

حسـيـن بــن شـتـوي الحبـابـي=
سـلام رديـه تهـدى علـي المنتـدى=من شاعر يصـرف جنيهـات ويعدهـا
ان كان ما جاء لبيت الشعرصوت وصدى=تحرم علي القصيده لعـن ابـو جدهـا
مـحـمــد بــــن شــديــد : =
يامرحبا يالمسلـم فـي مسـار القـدى=ترحبيـة بالوفـا والطيـبـه نمـدهـا
والله كفو وانت دايم يـا بعيـد المـدى=لا جيت في واجب اهل الموقف تسدهـا
حـسـيـن بــــن شــتــوي : =
القاف قامت صفوفه والطريـق ابتـدى=يدك الكريمه علي وضح النقـاء مدهـا
شفتك مع العالم اللي وجهوا لـك نـدى=علـي قنـاه القصيـد وعينـك تلدهـا
مـحـمــد بــــن شــديــد : =
القاف تـوه بـدى والجـو راق وهـدى=عد السوالـف وانـا اجاريـك واعدهـا
الفارس القرم لاشاف الصفـوف يحـدى=يبغى الهنوف الطموح وشاهبـه خدهـا
حـسـيـن بــــن شــتــوي :=
يالعاطفي ما مشينا فـي دروب الـردى=واللي عطا لـه عطيـه عيـب يرتدهـا
احد لقاء له عشاء واحد لقاء له غـدى=واحد يجهز سيـوف الحـرب ويحدهـا
مـحـمــد بــــن شــديــد : =
مااقول فيكم قصـور ولا تعبتـو سـدى=شد الوسيمـه سمـا سامـي وابشدهـا
واحدٍ سرى الليل واضنه غدى ماغـدى=لكـن عـش الطراقـي بالله وغـدهـا
حـسـيـن بــــن شــتــوي : =
ان كان راحت علي ابوزيـد قلنـا فـدى=ماني باسـل السيـوف الا وانـا قدهـا
بالله نـاده يابـوديـه وقـلـه بــدى=قــدام تحـتـده الدنـيـا ويحتـدهـا
مـحـمــد بــــن شــديــد : =
ماني قريب النظر ماني ضعيف الجـدى=ومزوح الاصحاب عندي ضيعت جدهـا
ياسعيد ياسعيد مسعد ما اسعده ماعـدى=الرابطـه لا هوبمعـهـا ولا ضـدهـا
حـسـيـن بــــن شــتــوي : =
ان طعت شوري لاتطلع في جبال الهدى=ياشيـخ يمكـن ذلولـك تنكسـر يدهـا
الوضع ذليـل يبغـي هجمـه ومعـدى=وانا بنيـت البيـوت وغيـري يهدهـا

تحياتي