قصيده استغاثه لشاعر: عمر الهباع

[الهباع الرووقي]

بسم الله الرحمن الرحيم


يــا لــلــه يـــا والــي ويــا خـيــر معبود = يــا واحــدًً نعيش مــن فــضــل جوده

يـــا لـلـه بــمــزنًً يـدفـعه رايــح النود = وقــامــت عــلــى البيدا تــرازم رعوده

يــجــي بــتــال الــلــيــل والــعالـم رقود = ويـصـبــح بـسـيـلــن مــاتـحــدد حدوده

يـــاخــذ ثــمــان ليال مــن زود في زود = بــرحـمـتـك ولـيـا شيت بـمــرك تزوده

سـيــلــه يــطــم حــزوم ويطمن صمود = ولافــيــه وادي مــانـحــدر مــن سنوده

عــلــه عــلــى مــــدهـــال حمايت القود = نــجــد الــمـسـمـى الــي مـلـكـنا عدوده

وعــقـب شـهـر يخضر بــه يابس العود = والــنــبــت بــنــواعــه تــفـــتــح وروده

وصــار الحياء فـــي عالية نجد مشهود = وكــلــن يـبـا الـمــرباع مــع شـف ذوده

ثـم جــاك ذودًً ينعرف مـــع هل الذود = وســــم الــنــعــش يــلــوح بيـمن خدوده

وضــح ومجـاهــيــم لـنـا مــارث جدود = نـــوجـــع بــهـا كـبــود النفوس الحسوده

كــســبًً لـنا بالسيف هـــو وام عبرود = وقــتًً مــضـى عسـى الـولي مايعوده

يـــــوم الحــــرايب بين طـــارد ومطرود = وكــلــن بــحـــد الــسـيــف يثبت وجوده

واليوم باْمن وخير فــي ضــل ال سعود = والـــعـــدل بــيــن الــنــاس ثبت عموده

فـــي ضــل حـكــامًً ذرا كـــل مضهود = وفــــي ضـــل ابــومتعب وحــنـــا جنوده

وصلوا عدد من جاء الحرم حشد ووفود = عــلــى الــرســـول الــي سعاه محموده





الشاعر:عــمــرالهباع