مانبا القاضي اللي مايحل القضيه

[سعود العصيمي]

السلام عليكم ورحمة الله وبركاته

هذه محاورة قديمه بين
سلطان الهاجري ومستور العصيمي

سلطان الهاجري

ياسلامي سلام ٍ يودع النار حيه = شبة النار تسفر للوجيه السفيره.
وصلكم دوكم ياالعزوة الهاجريه = كل رجال له موقف وربع وعشيره.

مستور العصيمي

ياهلا مرحبا ترحيب من طيب نيه = واعطنا العلم ياسلطان عن كل ديره.
عزوتي ياعتيبه يارجال الحميه = إلزموا صفكم ياهل السيوف الشطيره.

سلطان الهاجري

من يوصيه عمه مايخلي الوصيه = والسوالف كثيره والمعاني كثيره.
انت ياالراعي المصلاح ضم الرعيه = لايغرك ضعيف المعرفه والبصيره.

مستور العصيمي

ودي اسقيك ياسلطان شربه هنيه = من حبال طوال ومن بحور ٍ غزيره.
انت رجال مرسي كبر هضبة طميه = واحترص للاوايل واحترص للاخيره.

سلطان الهاجري

بعدها بعدها بعطيك مني تحيه = مار انا خايف الطيّب يخونه ضميره.
ماخبرت الرباعه يوم لقحت ثنيه =فرخة ترتجف منها جبال الجزيره.

مستور العصيمي

مانبا القاضي اللي مايحل القضيه = وان عطيت التحيه جعل فالآمر خيره.
ليش يابن الحلال انحيت لك مع نحيه = صحبة ٍ معك لاقمحه ولاهي شعيره.

سلطان الهاجري

انت موذى يابن تركي وتبغى الآذيه = مار ربط حبالك لاتطيح الذخيره.
صحبتي صحبتي مثل السدود المديه = وانت صحبتك تشبه للرحى المستديره.

مستور العصيمي

لن بغيت الاذيه هات ماهو شويه = مااحترينا سمير ولااحترينا سميره.
اثركم يالهواجر نملة ٍ فارسيه = ماعليكم تدوسون الدروب الخطيره.

سلطان الهاجري

انت رجل قوي وانا زنودي قويه = ماوردت الموارد بالحبال القصيره.
دام ربعي توقف وقفتي ماعليه = مار من حاس دربه حاس ربي مريره.

مستور العصيمي

كلها في يديك وكلها في يديه = مار نشبت روحك فالدروب العسيره.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.