يالمزون الي على طخفه تنشت ** و يدني حملك وزخي ببرديه

[مشاري الحبردي]

السلام عليكم ورحمة الله وبركاته ......

قصيدة للشاعر خالد بن غزاي الحبردي وتعد من اروع القصائد ... ادعكم معها ..:-

يالمزون ألي على طخفه تنشت=و يدني حملك وزخي ببرديه
الحبرديه على جوك تمشت=و محتسين بالشحم والشاذليه
الوجيه من البطا فرحت وبشت=والنفوس الغاضبه صارت زكيه
كل واحد بشر الثاني برشت=أمطرت يأهل الوفا وأهل الحميه
أهل البل خمت العزبه وقشت=خيموا والكل قال النار حيه
كل ذودن في مفال الخير عشت=وكل راعي مطربه حال الرعيه
والغنم تلعب على الغربي وطشت=عقب ماكانت تجمع وسط فيه
الغيوم إن كان جتكم ثم كشت=فاعلموا دار الحسد ماسال نيه
زين الله فالكم كاشت مكشت=يا سلالة فالأصول اليعربيه
كم يدينن من فعول الطيب حشت=المدايح والثنا في كل هيه
روس قومن ما عن اللازم تخشت=إنشدوا عن فعلهم بالجاهليه
يوم ناس في دخيل الوجه غشت=أحتما مطلق دخيله من سبيه
ياكبودن طاشت الغله وفشت=يوم قدم شلفته مطلق هديه
يالجموع ألي على السفره تعشت=سفرتن شالت وصوف الحاتميه
كم صحونن من فقارالحشو دشت=حطها عليثه* فقارا بالصينيه

* عليثة المذكور :- هو الشيخ عليثة ابو سنون رحمه الله

والسلام عليكم ورحمة الله وبركاته