دمعة قهر
اوسع اطراف الصبر لكن ايضيق .. واقابل الصدمه بحزم ورحابه
وانيم الذكرى غصب لكن اتفيق .. تصحى و يصحى في خفوقي عذابه
الحظ عاثر والعطايا مغاليق .. والظيم اغمد في خفوقي حرابه
يا قلبي المغدور من سكرتك فيق .. اصحى خلاص الكذب عجعج اترابه
اللي رفعته فوق كل المخاليق .. واجزلت له عز ودلال ومهابه
خانك وصب الغدر من سم الابريق .. واسقاك فنجال الكذب والكأبه
لا عاد تحفظ له عهود ومواثيق .. ولا عاد تتاثر بدمعة عتابه
الطيب والاحساس والصدق تلفيق .. والحب ضاع اليوم واعلن غيابه
والدمعه اللي من هدب عزي اتويق .. دمعت قهر ماهي بدمعه صبابه
قهر اذوقه مر مع بلعت الريق .. مقهور كيف انه خدعني سرابه
آخر تعديل عبدالعزيز السريع يوم 26-Mar-2012 في 06:00 AM.
« آخـــر الـــمـــشـــاركــــات »
08-Feb-2012, 05:00 AM
قصيدة عبدالعزيز السريع دمعة قهر
العرض الشجري