محاورة بين الشاعرين : عيد الجعيد و عبيدالله المجيريشي

[السامي الجعيد]

صباح / مساء
الخير

محاورة جرت بين الشاعر عيد الجعيد و الشاعر عبيدالله المجيريشي عبر الشبكة العنكبوتية

عيد الجعيد

هلا مرحبا ترحيبةٍ ما تبى توضيح = على المنتدى مثل القمر نورها بادي
و الا يا المجيريشي صدور الرجال تفيح = من أسباب ناس حطت الضلع فالوادي

عبيدالله المجيريشي

يدوم البقا من علم يسبق هبوب الريح=هذي فرحتي ياعيد ياثالث اعيادي
انا لودخلت البيت الابيض معي تصريح=احث الخطى وارد على كل ميرادي

عيد الجعيد

علوم الرجل يا هذيل يبغالها تصحيح = علومٍ تسد النفس و تغث الأكبادي
ليا شفت بعيون العرب للخبر تلميح = تركد قبل ينقدك فالناس نقادي

عبيدالله المجيريشي

على جالة الميراد كل الدلي اتميح= وهذا يجي صادر وهذاك ورادي
تحت وقع همال المطر والعباد اتصيح=ولا نجهل التاريخ هجري وميلادي

عيد الجعيد

أنا أستغرب الرجال فالدرب كيف يطيح = و هو في شموخ العز تاريخ و أمجادي
لكن الحقيقة لو يصير الزمان اشحيح = ترى الناس في هالوقت ما تسمع الرادي

عبيدالله المجيريشي

اناشايف الاوضاع يبغي لها تصحيح=اهل ليله ابوا وسمنان في وادي
غدت بك شموس القايله ياغصون الشيح=ماهي جلست الفيه ودله وبرادي

عيد الجعيد

تبي تصلح الاوضاع ماينفع التصليح=واوباما يشن الحرب في وسط بغدادي
ياليتك ليا سبحت ماتخلف التسبيح=تصلي مع الاخوان في مسجد الهادي

عبيدالله المجيريشي

نقول السدود اسدود لين السدود اتبيح=لوباح سدك صرت نازل وشدادي
تمهل لياشمس الضحى والثلوج اتسيح=ترى عاصمة بغداد في حكم الاكرادي

عيد الجعيد

رجال الوفاء والطيب ماتقبل التجريح=لو إن الهذيلي يعرف بعيره الغادي
ما والله تزيح القوم لو الجبال تزيح=وأخذ خاتمتها ريحة المسك والكادي

عبيدالله المجيريشي

تبي لقمةٍ تاتيك وانته بجو امريح=تبي ورث ابويه تنهبونه من اولادي
لياعودت روس الاخله تبي تنقيح=تسلف من المليون خانات الاحادي

و سلامتكم