مساجله بين اهل الهافات والعناتر

[الباحث عن الحقيقه]

اليكم بعض مساجلات بين مركز حد الابرق و بين بعض المهربين في ذلك الوقت وكل منهم يمدح سيارته

الهافات مع المهربين والعناتر مع مركز الحد 00 ويقول مركز الحد

ياهل الهافات (عنتر ناش) جاكم

واعنا من صادفه بارض خليه

لعنبوكم هونوا جاكم عناكم

جاكم الموت الحمر ماهي زريّه

هفوة زلّت لكم وإكلوا (....)

بيعوا الهافات بأقيام رديّه

وإعلموا وإدروا ترانا في قفاكم

ومن يقاوي له جبل ما راح نيّه

ياهل الهافات عابينا عباكم

الفروت اجداد والعزبه قويّه

ياهل الهافات خيّبنا رجاكم

نحمد اللي قدرته ماهي خفيّه

بيعوا الهافات ردوا في سراكم

خلّوا السمره وطّوالت الحنيّه

الدهر ذعذع لكم ثمٍ جفاكم

وإفهموا وإدروا ترى في الجحر حيّه

خسرت الشركة وخيّبنا ثناكم

وبعضكم بالقسط ما خلّص وديّه

ياهل الهافات حنا من وراكم

والسعد قدامنا في كل هيّه

تحت حكم اللي عن المنكر نهاكم

عن طريق الدين تلقون المنيّه

عندنا اللي يمرجن باقي شواكم

خمسه وستين ضد الجندليّه



ورد عليه واحد من المهربين بهاذه القصيدة

ياهل الأبرق تبّين لي خطاكم

والخطا راعيه يقنع بالخطيّه

يا عوينك وارد الستّه لفاكم

و(عنترك)خربان والخمسه رديّه

كم ونيت لا كمل حمله وطاكم

وقاعد بأرقابهن تثني الهديّه

وإن لحقتم موتره عنده دواكم

أرنب حمرا عيون مجادعيّه

ليرد عليه بعد ذلك شاعر سلاح الحدود:

يا سلاح الحد يوم الله عطاكم

لا تهابون الخطر والمخطريّه

خلوا الرشاش مركوز حداكم

والمخازن وسطها النار الصليّه

ياصحيبي وارد الخمسه خذاكم

وستّتك مع حملته ما راح نيّه

ربعنا صادوه عانه من وراكم

ما مشى ياكود ألف وخمسميّه

و(العناتر) ياعميلي في حراكم

والفروت الحمر وجنود السريّه

ياصحيبي ما مشينا في رضاكم

إن زعلتوا أو رضيتوا بالسويّه

ياهل الهافات ما خذتوا قضاكم

ما بكم قاصر ولكن معجزيّه

ياهل الهافات تالي منتهاكم

والله إنه عند سجن العسكريّه

مثل ناس كد وطاهم ما وطاكم

فعلهم كنّه عملكم بالسويّه

والحكومه رتبّتنا في نحاكم

نمنع المنكر عن أفراد الرعيّه



هذا الهاف التابع للمهربين وشكله عنيد




هذه الهافات للمهربين مهمتها استطلاعيه للخطر




هذا عنتر ناش التابع لمركز الحد