مراثى فى حنس بن شده

[توبان الروقي]

السلام عليكم ورحمة الله وبركاته


اعزائي اعضاء هذا المنتدى الغالي يشرفني ان انقل لكم هذه القصيده المرثيه للشاعر خالد بن حنس ابن شده المرشدي التي قالها في والده الشيخ حنس بن طريخم الذي وافته المنيه يوم الخميس الموافق 13/5/1433 رحمه الله

لاعدت ياعلم<ن> لفاني مسيان=هز الخفوق وحولت دمعة العين
اركى على قلبي من الحزن نيشان=علم<ن> يزلزل راسيات الضلاعين
يوم الخميس ومحجر العين غرقان=تبكي من اللوعه وفرقا المحبين
تبكي على شيخ<ن> ورث عز شيخان=شريف قوم ومن سلايل شريفين
يبكيه تال الليل مسجد وقران=لاطاب نوم اللي عن الذكر غافين
ويبكيه محرابه ويبكيه الاذان=وجموع ناس<ن> لاستقاموا مصلين
وتبكيه ركعات الضحى كل مابان=وجه النهار ومعظم الناس لاهين
الا ويبكونه شباب<ن> وشيبان=لاعقدت سود الليال الحجاجين
زبن المخيف اللي مشتت وحيران=لاضاقت بعينه وساع الميادين
يزبن بعد ربه على طير حوران=يشهر معه ويورده مارد<ن> زين
يقضي لزومه كن ما كاين كان=يرجي جزاهايوم نصب الموازين
تبقى مواقيفه على مر الازمان=طيب مع الاجناب وايضا الموالين
يارب تجعل له عن النار مزبان=ياللي بتوفيقك قضبته على الدين
نرجوك تكتب له من الذن غفران=وتجزاه عليين بين النبيين
وتلهم محبينه ثبات<ن> وسلوان=بفر اق من هو حال من دونه البين
فرقا ماهي فرقا مواليف واقران=ولاهي بفرقا حين ويشاف بعدين
فرقا النعش والقبر يابيض الاكفان=وفرقا المقابر يادموع المعزين
وانا احمد الله عد همال الامزان=على القسى والعسر واليسر واللين
وصلو عدد ماغاب نجم<ن> ومابان=على نبي<ن> بين الحق تبيين