من ديوان الشاعر / نــــــجــــــم الســــــمــــــريـــــــن

[نجم السمرين]

بطن حوت

هـاك ماعـنـدي وخـلِّـك يابـحـر بِسكـوتـك=كـم ولـي وانـا اتحاشـى وقفتـي هالساعـه
أذكـر إنـه يابحـر يـوم إرتمـى بـك حوتـك=ضاع في مـدك وجـزرك والخطـأ بانواعـه
جعلها بعـض النفـوس الغافيـه مـن قوتـك=من جهل غدر البحـر حقـه يمـوت بقاعـه
راح عمرك يابحر ماغيـر روجـة صوتـك=والمواني من على الساحل تظف شراعـه
كنـهـا يـاعـمـر نـــوح مـجـهـزه تـابـوتـك=بـس مـاالله فـي عمـاك مكمـلـك بالطـاعـه
ميـر كـرِّم لحيتـك واقـهـر ســواد بْيـوتـك=للمعانـي بـطـن حــوت وللحـكـي سمَّـاعـه
صفقوا لك واصطفق موجك تظن بخوتـك=وقفـت لـك عقـب ماهـي غارقـه بهجاعـه
مادريـت إن الليـالـي معلـنـه عــن مـوتـك=من زمن لو هي تراقص لك بطق أصباعه
رد لـمَّــاز الـمـبـادي يـامـجــاذب نــوتــك=قبـل ربـع الحايمـه يسحـب ثـلاث ارباعـه