الزلامي في احسن حالاته .. محاوره مع السناني ..!!

[فيصل بن فهد الجهني]

الزلامي .. كل ما تقدم بالعمر ازداد قوه و شاعرية ..!!

شاعر لا يشق له غبار ... فوجوده في اي ملعبه ... هو وجود للشعر الحقيقي .. القوي الجزل ..!!

الكلام يطول عن هذا الهرم الكبير في مقام الرجوله و الشعر ..!!


لكم المحاوره و تمعنوا و انطربوا في قوة الزلامي .. و جزالته ..!!

وقبل المحاوره :

انظروا لقوة هذا البيت .. الذي اعتقد انه هز كل اركان الحفل .. بما فيها صدور الشعراء الحاضرين :

يا السراب اللي بصحراء نجد وهقني بريقه ... ما حصلي من وراه الا الضمى والموت جاني






رشيد الزلامي

يا سلام الله وانا من عصر ناويها حريقه ... ما علي تجيب راس الهاجري ولا السناني
لو ضرت ابليس لين انه يعلم بالحقيقه ... كان بكره ما تحصل فالرياض ابليس ثاني


محمد السناني
مرحبا و اللي حفر حفره على دربه تعيقه ... و انت من مبطي مولع في عتيبه و قحطاني
لن مسكت ابليس ربع الثانيه ولا الدقيقه ... احتفظ به لين خلق الله يصومون رمضاني


رشيد الزلامي
يا جهينه لا تردون المسافر عن طريقه ... الشجاعه ركبت عنتر على ظهر الحصاني
صاحب النفس الرضيه جابها على السليقه ... و الضعيف يقول يالله بالمطر قبل السواني


محمد السناني
انت لا تزعل ليا منا تكلمنا الحقيقه ... اعرف ان اللي يكن القلب يبديه اللساني
احترق قلب الصديق اللي تضايق من صديقه ... بعد كانوا في زمن فات اشد من الخواني


رشيد الزلامي
يا سناني خلها مزحة صديق مع صديقه ... كلمتن تدخل على اقصى القلب وتشق الاذاني
لا يضيقن الدروب ولا يجي بالصدر ضيقه ... و انت عارفني ليا دورني الطيب لقاني


محمد السناني
الكلام اللي معاوين الرخى ما تستطيقه ... راح من ذاك الزمان و عاد في هذا الزماني
ما نبي نبحث معك بعض التفاصيل الدقيقه ... يوم عندك طيب قلب و يوم فيك العنفواني


رشيد الزلامي
روحت حيفا و .... و راح عباس و رفيقه ... وانت يا شارون تاقف طريقي وتحداني
يا السراب اللي بصحراء نجد وهقني بريقه ... ما حصلي من وراه الا الضمى والموت جاني


محمد السناني
الزلامي كل ما شاف العرب يشرق بريقه ... مستحيل انه يقومني و يجلس في مكاني





اعتقد ان المعنى سياسي .. و لكم التحليل ..!!