يالشيخي المشكله بين العرب واليهود : رشيد الزلامي و ابراهيم الشيخي

[سلمان المرشدي]

محاوره بين الشاعر الكبير رشيد الزلامي
والشاعر الرائع \ ابراهيم الشيخي





الزلامي

سلام في حفل ربعن يكرمون الوفود
ويحققون العلوم الطيبه كلها


يالشيخي المشكله بين العرب واليهود
عشرين رئيس امريكي مات ماحلها



الشيخي

يامرحبا في محلك ياعريب الجدود
شجرة شبابه وانا وياك في ضلها

حنا جنود نبا توجيه من ابن سعود
اليا ومر دولة اسرايل نحتلها




الزلامي


انا ذبحت البعير الي يعض القعود
لكن باقي بعارين اتعين لها

حنا بغينا نصلي وابلشتنا الهنود
هنود ماعرف لغاها كيف ابا ارطلها




الشيخي

ياعنك ماهو فخر ذبح البعير الشرود
وسط الجزيره بدو عيت على ابلها


ابطا علينا المطر مانسمع الا الرعود
وش عاد ياليتها وش عاد ياعلها





الزلامي


السالفه راس ضلعن كل دربه سنود
ماشفتها هاتها وان شفتها خلها


ان كان زهران عيت لا ترد الزيود
كفارتك ركعتين مع الضحى صلها





الشيخي


مادام حزب العمل واقف لحزب اليكود
والله لتبطي ونفسك مابرد غلها


ديار زهران ماتاصل لهاك الحدود
لكن يمكن قبايل يام تاصلها