هذه قصيدة جديدة للشاعر كديميس بن صالح العصيمي والحقيقة انه شاعر يجد القارئ في قصائدة نكهة الشعر الحقيقية وبساطة استدراجة للكلمات وتوظيفها بالشكل الصحيح في ابياته
اهــــــــل الــمـــزايـــن عــاقـــبـــو شــــمــــخ الــنـــيـــب=وتــــكــــبــــدة فــــــــــــي الـــمـــهـــرجـــان ألإهــــــآنـــــــه
مــابــيـــن تـــدريــــب ٍ ومــابـــيـــن تــــأديــــب=ومـــابـــيــــن تـــقـــريــــر الـــحـــكــــم وامــتـــحـــانـــه
وبـيـن الشـبـوك وبـيـن عـــوج المشـاعـيـب=ومـــــــن لا لــــقــــي مــشـــعـــاب بـالـخــيــزرانــه
مــــــــن الــجـــفـــال عــيــونــهــا كـالـمـشــاهــيــب=لـــيـــاحـــضــــر جــــمــــهـــــور راعـــــــــــــي فــــــلانـــــــه
اللي على صالون واللي على جيـب=والـلـي مـعـه سـوطـه ويـشـعـب حـصـانـه
والـــمـــنـــشــــديــــن يــــلــــحــــنـــــون الــــهــــنــــاديـــــب=حـتــى تـجــي الشـيـلـه عـلــى الأصـطـوانــه
فـي مهرجـان ٍ فـيـه للضـيـف ترحـيـب=بـــــــيــــــــن الـــحـــتـــيـــفـــه والــــــــزبــــــــاره مـــــكـــــانــــــه
لــــكــــن يــــوجــــد فــــيــــه عـــــــــدة عــــذاريـــــب=يــشـــوفـــهـــا الــمـــبـــصـــر ويـــســــمــــع بــــــأذانــــــه
الـــــبـــــذخ لــلــضــيــفــان عـــــنــــــد الــمـــعـــازيـــب=والــــــكــــــفــــــر بــــــالأنــــــعــــــام والإســــتــــهـــــانـــــه
بأسم الكرم حطو وجاب ومواجيب=وزود الـبـذخ مــن كـثـر حـشـو الإعـانـه
وكــثـــر الـمـهـايــط فـــــي كـــــلام الـلـواعــيــب=وخـــســـران مــــــن قــلــبـــه يـــقــــوده إلــســانـــه
والـنـجـش والتـطـفـيـف بــيــن الـجـلالـيـب=والـــمـــشـــتــــرى والــــبــــيـــــع يــــحــــتـــــاج أمـــــــانـــــــه
ياليت لاجاء عرض حرش العراقيـب=لــــــيــــــا كــــــــــــل ذود ٍ بــــــأولــــــه تـــرجـــمـــانـــه
يــــشــــرح مــعـــانـــاة أمــــهــــات الــدبـــاديـــب=بــلــســـان حـــــــال الـــــــذود يــشــهـــر بــيـــانـــه
ويـجــاب لـــه قـاضــي لـيــا سـألــه إيـجـيــب=ونـــشـــوف مــــــن تــثــبــت عــلــيــه الإدانـــــــه
لــلــبــل عـــلـــى الـــوبـــال عــــــدة مـطــالــيــب=مــــنــــهـــــن مــحــبـــتـــهـــا وخــــــالـــــــص حــــنـــــانـــــه
ويــتــبـــع هـــواهــــا فـالــفــيــاض الـمـعــاشــيــب=لــــيــــا كــــســــى عــــــــرق شــعـــبـــا قــحــويــانـــه
الــبـــل سـعــدهــا بــيـــن عـــــردان ومــغــيــب=الـــيــــا اكــتــســـى واد الـــرشــــا بـســعــدانــه
وبــــيــــن جـــبـــلـــه وذقـــــــــان وام الــمــقــاريـــب=والا الــــــــــحـــــــــــوم لازيَــــــــــنـــــــــــه ديـــــــدحـــــــانـــــــه
مـــثـــنــــاة نـــــجـــــد ومـــــرتـــــع ٍ لــلــحــنــازيـــب=الــــــلــــــي لــــــهــــــا فــــــــــــي مــجــتــمــعــنــا مــــكــــانـــــه
كــــانــــت عــدايــلــنــا ومـــنـــهـــا الـمــنــاجــيــب=وكـانـت عـلــى قـــدر ٍ عـزيــز ومـصـانـه
ونـدحـم بـهــا فـــوق الـعــدود الأجـانـيـب=لـيـا صــار نـسـقـي بـالـرشـا مـــع شـطـانـه
مـــثــــل قــلـــيـــب الأيــــســــري فـالـلــواهــيــب=لـيــا صـــار فــــي حــكــي شـربـنــا خـشـانــه
آخر تعديل الشوردي يوم 05-Feb-2013 في 02:58 PM.