من يحتفل بالصيف

[محمد الغيلاني]

من يحتفل بالصيف ويقيم الافراح
وفي الشام بارود القنابل عجاجه
ومن يفتخر بالمال ويعيش مرتاح
والطفل ف ارض الشام يشحذ علاجه
يامسلمين ان كان فاجسامنا ارواح
نكسر صنم بشار ونهد تاجه
انا ادري ان شعوبنا نصفها اشباح
والنصف الاخر عايش في زجاجه
لكن مع هذا بريق الامل لاح
واستبشر اهل الحق بـ اول رواجه
هناك ف ارض الشام ياحظ من راح
حيث انها المكسب وقمة نتاجه
يهل القصير ويهل درعا الى ساح
دم الشهيد فباركوا له زواجه
من مات منكم له شهاده مع افراح
ومن مات منهم مات معه اعوجاجه
ان كان نحسب للخساير والارباح
لاشك ف انحن كاسبين الف حاجه
وان كان لص الفرس فالضاحيه صاح
بكره يون ويطفي الله سراجه
ياشامنا كنا نجي فيك سواح
وشلون ماناجيك وانتي بحاجه