للملازم اول نايف بن مشعل الزايدي

[عادل الزايدي]

السلام عليكم

قصيدة متواضعة اهديها للملازم اول نايف بن مشعل الزايدي
الحقيقة مهما سطرت من ابيات ماوفيت جمايله واللي مثله وشرواه
ذخر وعز لكل زايدي لمواقفه اللي تطلق وجهه وهذي موغريبه عنه لأن
اللي خلف مامات...
اقول....

سلام "يانايف" عسى عمرك طويل
ماقبله الا العذر يامال الغناه
الزايدي من دافع الخلق النبيل
جاك يتعذر والخطا ماهو خطاه
اكبر قظية وزنها وزن (ن) ثقيل
لاصار في بعض المفاهيم اشتباه
ادخل عليكم يامزبنة الدخيل
الا إن مالي عندكم وجه(ن) وجاه
من حجت(ن)تقلب علي الصبح ليل
والا تزعل واحد(ن)نشري رضاه
ياعنك انا ماني بمثبور(ن) بخيل
يترك معاريف النشامى من وراه
ولاني بخبل(ن) قاصر(ن) عرفه قليل
لاطاله من الربع معروف(ن) نساه
راع الجميل انسى جميله مستحيل
وراع الوفى ننسى ولا ننسى وفاه
ثم من ضمن ماقالت الأمثال قيل
مال الرفيق الا رفيقه لا بغاه
إن كان وانك وودك تعرف الذليل
اللي ليا دور رفيقه ما لقاه
لكن انا مستانس وسلكي جليل
مادام ابن عيال عندي ماعلاه
والله يبارك فيك يالغصن الظليل
اللي عن الكنة يذريني ذراه.....وسلامتكم



"""عادل الزايدي
(عذرٱ ادارة المنتدى اتمنى تنسيق الأبيات)