محاورة بين الشاعر / ثواب بن طنف الجعيد و الشاعر/ عبدالله المسعودي

[متعب الجعيد]

المسعودي
سرى الليل ياساري على نور كشاف
طفت لمبة الكشاف والليل ساري
بعد قلت تكفى غير القاف بالقاف
اكيل العدا وليا وليت ابا اداري
ثواب
سرى الليل ياساري ثقيلات وخفاف
احسبك معي واثرك يطراك طاري
ترى ما يمح البحر عشرين مغراف
حذاري يجني غير ما اطلب حذاري
المسعودي
انا لو ابا وصفك وش كثر الاوصاف
لقيتك مشكل مثل رز البخاري
الايام ماترضي عتيبه والاشراف
ودق المعاني مثل دق الشباري
ثواب
لو اقرا على قلبك من الميم والكاف
خبطتك كما خبط الصقر للحباري
لكن انت لك ميقاف وثياب نظاف
ولو كنت داري قلت ماني بداري
المسعودي
بسيطه بسيطه ياصقر ريشك انتاف
وانا رجل شبه بالحباري لغيري
قريص الحنش شالوه في وسط الاسعاف
على شفة الحفره وهاك المحاري