أواه يا ضـــــب على الطعــس مـغبــون =يبكـــي قهر من شوف فرقا مكـونه
شـاف الــجحر فاضي بلاطعم او لـــون=شافـه ودمعــــــــه غارقٍ في عيونـه
ما صـــدق عـــــيونه الا كيف وشـــــلون =عقب الرفاقـــــــــه والمحبه تخونه
قام يـتـــــقلب في الجحر تقل مجنون =يقلب تراب الــــــغضي ويصــــــونه
يشكي على الحرمل مواجيع وشطون=ويلــسب لواهيب الغرام وديــــونه
ويسحب من اللوعات انفاس وشجون=ويجلس طوال الليل تسهر جفونه
تســمع وشيشه كن صدره به اطـــــعون =يــجاذب انفاس الوله في طــعونه
هنيكــــــم يالــــلي بــــذا البر تـلــــــهون=ما تـــــــعرفون العشق شكله ولونــه
الحـــــب مثل السيف لا جاك مســــنون =يحمل معه اوجــاع ذل ومـهــــونـه
ياعل جــــحر في نـقـا الــبر مسكــون =يســـقيه ربي من صوادق مزونــــــه
حيثه سكـــــن في داخله ضب مزيـــون =ضب جـــــمع بالزين حسن وليونه
هــذا ولـيفي مــــغرمٍ فيه مفـــــــتون=وما شفـــــت طعمٍ للبراري بـدونـه