لكل عتيبي يغار على قبيلته يدخل

[النمر الروقي]

حنا عتيبه كم حريب ٍ لطمناه
دقلاتنا مثل الخيال الرزيني

********

علونا فالحجاز واقصى قراياه
وشرقينا يم الحسا مردفيني

*******

وجنوبنا وادي الدواسر رعيناه
وشمالنا يم المدينه يميني

*******

حنا ترا نجد المسمى ملكناه
وخابت حظوظ ملوكه الاوليني

*******

وادي الرشا غصب ٍ على الناس نرعاه
بشلف رهاف يقطعن الوتيني

*******

وكم بيت شيخ ٍ في نحانا هدمناه
وامسوا مساييره من الخايبيني

*******

وكم راس شيخ ٍ عن متونه نطلناه
وراحت تسير به كلاب القطيني

********

والفصل جا فاربع سنين ٍ مسماه
من عقبها سموى القبايل طنيني

******

منها النهار اللي على الضال واقصاه
من عجه الضلعان عيّت تبيني

*******

ومنها نهار ٍ فوق دلعه بيمناه
مع ايسر الهضبه عساها سنيني

******

ولد الدويش فالعويند كسرناه
يوم ٍ عليه يشيب المرضعيني

*****

وعلى طلال الدم الاشقر نثرناه
يو م انهم جونا الضحى سارحيني



منقول / للشاعر مخلد القثامي