النشمي(وصلوا شكواي للســــــامــر)

[مقعد الدغيلبي]

هاذي قصيده للشـــاعر المبدع(النشمي) حبيت تنزيلها فالمنتدى وذلك بعد أن أخذت الاذن منه

ياهبوب النود هبي من جنوب ومن شمالي=واخبريني عن لطيف الروح بالله كيف حاله
أبتعد عني وصرت أوحيد فالدنياء لحالي=له ثلاث أشهور ماسوى أتصال ولا رساله
أتصل واعد سرع الوقت وأعيد أتصالي=لا وجد في خدمة الموجود ومقفل مجاله
المحبه لوعت عليا وابو زيد الهلالي=وعنتر العبسي من أجل الحب غامر في قتاله
لجل عبلا سل سيفه ويتفنن فالقتالي=مايهمه منهم أعمامه ولا همه خواله
وصلوا شكواي للسامر من أزحول الرجالي= وخالد الفيصل عريب الساس زيزوم الشكاله
وصلوا شكواي للطحطوح حماي التوالي=الأمير اللي رقا بالشعر وابيوته جزاله
الأمير ابو محمد منزله شامخ وعالي= مثل نجم الجدي متعلي على المرقب لحاله
وضحوا شكواي قولوا صار في هم وهبالي=والسبب فرقا الوليف اللي قطع عني وصاله
له وصوفٍ لو توصف وصفها فاق الخيالي=الله اللي صوره فاحسن صور باهي جماله
أرمدي الرمش لا سلهم كسى خده ظلالي=والعيون بحور فيها الموج يصفق كل جاله
والجديل أشقر ولونه دم من دم الغزالي=ويتذير مثل ذاك الريم في عالي جباله
والخصر ياعود موزِ مع نسيم الصبح مالي= والجسم جذاب ماهو مثل جسم البرتقاله
يارياجيل الحميه ياكريمين السبالي=أفزعوا للي ثقل حمله وضيع راس ماله
هو حياتي هو غناتي مكسبي مع راس مالي=والله اني لو يطول الوقت مادور بداله

التوقيع