تعرف على شخصيتك من خلال ردك بالتليفون

[روق والسماء فوق]

كل مره تطلع لنا شغله تحدد شخصيتنا بس اليوم بتعرفون شخصيتكم من طريقة ردكم بالتلفون :


(الو)

انسان هادي وحبوب ودايم ينام والتلفون في الشاحن ولا يقفله بس يحطه على الصامت ويحب يدهن ريوله قبل لا ينام ويلبس شراب (دلاق) وتتراوح اعمار الاشخاص المستخدمين لتلك العباره من بين العاشره الى اربعين
>>>لووووووووول هذي انا طبعا نفس حركاتي بالضبط<<<

(هلا)

اذا كان ذكر " فهو شيطاني وراعي حركات"
واذا كانت انثى " تحب النوم وتموت في شي أسمه لقافه"

(مرحبا)

" ذكر " يتمنى يشتغل في مكان فيه استقبال زبائن
" انثى " دلوعه وشايفه نفسها وتسوي نفسها ترى انا رديت جذي علبالي انا اعرفك يللي متصل "

(نعم)

راعي مشاكل أو راعية مشاكل ويحبون يعيدون الاتصال على الي يزعجونهم علشان يهزءون لووول


(ايوه)

هذا على نياته


(منو/مين)

هذا حرامي ولا واحد عليه ديون ويبي يعرف من الي يتكلم عشان اذا متسلف منه فلوس يقدر يصرفه ويتزحلق على صابونة لوكس لووول


(سم)

اذا " ذكر " عنده فلوس أوعنده مكتب عقار
واذا " انثى " راعية عزايم وتحب العروس ودلة القهوه حزة مغرب وعبايتها دايم على راسها


واللي يسكت ما يرد اقيمت عليه دراسة اخرى سوف نوافيكم بها لاحقا واكد مصدر مشكوك بأمرة ان دراسة معينه أثبتت ان صاحبها اطرم .. لووووووول