((( ****** الطقس والجو ****** )))

[نمر الذيابي]

بسم الله الرحمن الرحيم

متواضعه

أتمنى أن تحوز على رضاكم

*


*


*


*


*


*


*


*

يالي تقدم نشـرة الطقـس والجًـو=من بعد ماتخلص تفاصيل الأخبـار
أنته تقول الجـو حالـي ومحلًـو=وحنا علينا هبة أعصـار وأغبـار
مير أنشدك عن ديرة الزين والغرًو=ماجاه شيً من هماليـل الأمطـار
ماجـاه رعـادً وبـراق مـع نًـو=ولاجاه شيً يقشع أغصان الأجشار
من حالو الغاليـن هجـو ولاجًـو=وش دار مابين المواليـف وش دار
ولافيـه مرسـولً ولاهـم دكًـو=أمرً عجيبً يجعـل الفكـر محتـار
أرقا على المرقاب وولـع الضًـو=وروبع الطاروق وأحني للاشعـار
وأكتب قصيدة والهواجيـس غنًـو=وأنثر على طرسي مواجيع وأسرار
وش نالو العشـاق ماشـي نالًـو=كلً مولع والولـع يشعـل النـار
ماينفـع العشـاق ياليـت يـالـو=كل ً نصيبه جاه من حسب الأقـدار
قد مات جوف العشق قـومً تئـذًو=ذا العشق يجلب عند قصاف الأعمار
غارًو مع الغارات بالحيـل غـارًو=ودار الهوى بهل الهوى حيل ثم جار
أقرو عن العشاق والعشـق وأدرًو=أن الهوى نتًف ترى أشناب الأحرار
تحذير من عندي عن العشق حلًـو=وأن كان ماحدً حل قرب للاخطـار
مال الدهر وأيامـه اليـوم مالًـو=وهبة هبوبً ضاع في جوها الطار