الرمش مايرقا وياصل حجـابه(صوت وصـدى))؟؟

[حسن شامي الجعيد]

السلام عليكم ورحمة الله
بعد طول غياب اضع هذه المتواضعه بين ايديكم
عسى ان تنال بعض من رضـاكم




وهي رديه بيني وبين ناشي دخيل الله النفيعي



وهذي قصيدتي

سلام فيه الطيب كامل نصابه=ياصل ليا ناشي من ارسال لأرسال
أنا لقيت وجيه واجد تشابه=ولقيت وجه الطيب لاكن محتال
سبب لي الريبه وجاب الغرابه=وشكيت في وضعه على كل الإحوال
امطولن دقنه مقصر ثيابه=لاشفت زوله قلت ياحي رجال
من بعد يخدع كل شخص التقابه=ايقول هذا الرجل عال ومية عال
وعن قرب يأتينا كثير أرتيابه=مخطي طريقه بين شاري ودلأل
محسوب قدره مثل قدر الذبابه=ومابينا صاير سوات اشهب ألال
لسانه انجس من لسان (.....) =وعقله صغير مساوين عقل الأطفال
وألا المتابع ماعرفنا كتابه=مرات كنغ وكنغ مضرب للأمثال
ومرات وجهن تعتريه الكآبه=ماودك تقابله تنشد عن الحال
والرجل ماهو من لسانه دعابه =الرجل من يأتي بجزلات الأفعال
والرمش ما يرقا ويصل حجابه= هذي حقيقه واضحه مابها جدال

وهذا رد ناشي النفيعي

يامرحبا بالخط واللي بدابه = عداد برقن لاح فالجو شعال
وصلني المرسول يآبن الذيابه = وافي ولاناشه عذاريب وخبال
ليا حسن وقتك كثير عقابه = وقتن خطير وعايشن فيه الانذال
والداب مايرحم ليا غز نابه = لاكن خلك مركي الموس فالحال
ولا كل عدن صافين في شرابه = ولا كل من ركب الفرس صار خيال
والمرجله ماهي تجي بالنهابه = المرجله بحرن من الجال للجال
بعض العرب غاشم ولاحدن درابه = يترك دروب الخير ويروح لشمال
إمضبطن وجهه وقلبه خرابه = في داخله سون ولسوء نزال
وإليا نشدته عن حديث الصحابه = صد وتلعثم وإنتها القول ماقال
هآذي ترى إمصيبه على كل لآبه = ومصيبة الإسلام من ذي الأشكال
لاكن سيفك جوده مع نصابه = وإشرب قهوة القوم فنجال فنجال
هذا كلامي حين رد الإجابه = أقولها وأبقا لو إن الزمن مال
والفايز اللي ناجين من عذابه = الواحد القهار علام الآجال

وســـلامــتــكم


حسن الجعيد