عتبان راية شعر محدن خطفها .. حزنا الفخر بالسيف وحماية الضيف ( هجاء )

[ابن عيضه]

روّاد منتديات الهيلا ... لاعدمتها

اهديكم هذه القصيده ... وترددت كثيرا قبل طرحها هنا ...

لا لشي ... ولكن الضرب فالميّت حرام

اهدائي وهجائي الى من امتهنوا الشعر كـ مهنه وجعلوه وسيله لنصرة الذات

ووضعوا المعايير الفطريه جانبا ..

العميمي او راس النعامه بالاصح ... والله اني غسلت يدي من البرنامج يوم شفتك ...

احبتي .. اهنئكم واهنئ نفسي على هذا النجم الذي يخطف الابصار ...

وهذي عادة العتبان ... في اي محفل يفاجئون الجميع بشاعر لم يكن في الحسبان

ويصبح حديث الانس والجان ...

يوسف السيف او يوسف العتيبي اسم اصبحنا نفتخر به ونراهن عليه ...

لا اود الاطاله واليكم القصيده ..

يوسف السيف ..

شرّد خيول القوم والعن جدفها = ومن طاح فوق الخيل يصبر على السيف
دونك بحور العرف كفي غرفها = والسيل برق وغيم يرزم مناكيف
العمله العمله على من صرفها = واللجنه اللجنه وذيك التصاريف
لجنة ردى ياخوك نعرف هدفها = جابوا لنا ياخوك بعض التخاريف
لا بوك لا بو عرف يمك حرفها = ولا بو بحر مايعترف بالمجاديف
ياثور بارض الله يرعى علفها = تمشي على مثلك سواليف بالكيف
يابن حسن غسان من هو جرفها = من هو يترجم لك بضحك وسواليف
غير السعيد وبالسعد ماوقفها = يبطي عظم لا جا مجالن وتكليف
مافيك حيله لا هرج يلتقفها = من وين جاك العرف من وين ياهيف
فار وحفر للثار غدر وحذفها = ثم التقفها الثار من دون تشريف
اشره على اللي لا حدر ماعرفها = والا دروب القوم فالبرد والصيف
لا يالعميمي ما انت راعي شرفها= وانت ارخص الموجود مابه تكاليف
راس النعامه ياخوي في طرفها = ولاتاقف الشرهه بعرض المواقيف
فاجر تقدم لليمين وحلفها = ياويل حال الشعر صوب الملاقيف
ترى الردي لو عاش بيده ترفها = يبطي ولا يسكن بروس المشاريف
عتبان راية شعر محدن خطفها = حزنا الفخر بالسيف وحماية الضيف
يوسف وغصب وطيب لا من عزفها = مايلحقه منا ملام وتحاسيف
الروس حانت يوسف اللي قطفها = محدن يلومه في هل الجهل والزيف
ضحّى بكم والحال جاد ووصفها = وسّم وسامه والمنايا صواديف
معذور يايوسف وشعرك نسفها = لجنه وطاحت وانت يايوسف السيف

وسلامتكم

ابن عيضه العتيبي