هذي البيوت اللي قوافيها على اغ =الاوله على اغ واللي بعدها على ايثها

[صقر سليم]

القلب ادارة كاملة والعيـن مركـز للبـلاغ=ونفوسنـا دار المعـزة والمحبـة غيثـهـا
والعقل مايسمح لتبليغ المبلـغ مـن فـراغ= إلا ليا صـارت مهمـة نابعـة مـن حيثهـا
الله يجازالجادل اللـي مـر قدامـي وراغ=محبتـة بابسـط وسيلـة معتمـد توريثهـا
امراّ لو يحول على الضلعان خلاها مـراغ=حتى الجروح المرمسة عاد الوله تحريثهـا
لخبط خطوط البرمجة بين الخلايا والدمـاغ=ويحثها لين استفـز القلـب مـن تحثيثهـا
اخذ شماغي في يدي واقول من شال الشماغ=ونكثت ماضيت العهود اللي صعب تنكيثهـا
والناس عادتها تصيغ هروج مايلزم تصـاغ=ومن يقرب الغابه ليـا كشـر بنابـه ليثهـا
عالم على قول الكويتي ماذبحها الا النفـاغ=احدن يربعها واحـد دوبـه علـى تثليثهـا
بعض الضمائر مايزيل عقودها حتى الدباغ=دايـم عليهـا شـر نفاثـات مـن تنفيثهـا
ياناس ترا القبة اللي مابناهـا غيـر طـاغ=خسـران راعيهـا فمبناهـا وفـي تأثيثهـا
قاضي حياته بالمحاول والتحايل والـرواغ=والله ترا ذي العروق اللـي تبـي تجثيثهـا
الله يكافينـا مـن الدنيـا ولغـوة كـل لاغ=ويالله عسى تشفى قلوب الناس من تلويثهـا
وختامها هذي البيوت اللي قوافيها علـى اغ=الاوله على اغ واللي بعدهـا علـى ايثهـا