محاوره قوووووووويه بين مطلق الثبيتي وحبيب

[ابو شرف]

بسم الله الرحمن الرحيم.
هذه المحاوره جرت في الكويت عام 1414ه بين الشاعر الكبير/مطلق الثبيتي والشاعر الكبير/حبيب العازمي.
وكان متواجد من الشعراء في هذه الليله الرائعه الشاعر الكبير/مستور العصيمي والشاعر الكبير/ فيصل الرياحي..
*حبيب:
سلام الله سلام فيه تمريره وضربت راس*يمر الباب الاول ويتمركز داخل الثاني
انا اشوف الثبيتي قام يضرب بي جموع الناس*على جرة جموع الناس عنيته وعناني
*مطلق:
هلا يامرحبا ترحيب مثل الكهربه والماس*ليا مني شبكت سلوكها طاح العريباني
ترجالك سعد لكن من دونه قوي الباس*ولاتنفع عصى موسى ولا خاتم سليماني
*حبيب:
ليا راحت علومك كلها حبر على قرطاس*على راسك يبى يجذب عواها الذيب سرحاني
مضى وقت مضى واهل القضى بين الرجى والياس*وصحه وحده تقتل لها تسعين نصراني
*مطلق:
انا ماهمني ضحكة جحا وهروج ابو نواس*اعرضها على صفق الهوا حتى تعداني
لو ان الرجل يستاهل صناديق الذهب لاباس*لكنه واحد جاهل واعده مثل ورعاني
*حبيب:
يهمك مايهمك ليش يامطلق طبخت الفاس*وانا خابرك تعرف منزلة غامد وزهراني
انا الشاعر وانا الماهر وانا السابح وانا الغطاس*وانا اللي لو تدرهم يالثبيتي ما تعداني
*مطلق:
انا ما اكره تدوس الجمر لو الجمر ما ينداس*وصدر لانشوفك بين اهل رابغ وعسفاني
تنوش مسجد الهادي ودور مسجد العباس*مدام انك سواتي مكتسي منته بعرياني
*حبيب:
انا ما ابغاك تلبس للعلوم المخطيات الباس*وحنا ما نفتش في بضاعة كل دكاني
بنينا البيت يامطلق وجودنا جويد الساس*ولن رحنا ولن جينا على عز وسلطاني
*مطلق:
تفتش في الشجاري والغصون عروقها يباس*ليا جاها المطر دور لها خوخ ورماني
انا ابشر فريق مايسلي مايشوف الكاس*وكنه ياطويل العمر ماجيته ولا جاني
*حبيب:
انا ماني بطامع في مطرها وانته العساس*لو انك شارب الما تجي وتقول ضمياني
صدور الناس ما تسلم من الوسواس والخناس*عسى ربي من الوسواس والخناس يحماني
*مطلق:
ليا عمست علينا ياحبيب جعلها تنحاس*وانا مابكي على شانك ولا تبكي على شاني
ولا يازينها من يوم حرق البن في المحماس*ليا شبيت نار الحرب من زندي وصواني
*حبيب:
تصرف في قروشك كلها واعلن الافلاس*ولا تقعد سوات ابليس بين فلان وفلاني
ولا يلي تبل الراس دل الراس للامواس*هذا الموس الحديد اللي يقص الروس من داني
*مطلق:
انا عندي ذهب صافي وعندي فضة ونحاس*لكنك ياحبيب ماتحصل نص ديواني
بعد حطيت بعض الروس بين الناب والاضراس*ابقضمها واجر الصوت بكره بين عماني
***********
يالربع اللي عنده المحاوره صوتيه ينزلها لنا الله لايهينه.
انتظر الردود..