خمسه من الفلته من النفعه يردون قوم ابن رشيد ..قصه وقصيده

[شوردي العتيبي]

بسم الله الرحمن الرحيم

أتى محمد العبدالله ابن رشيد بخيله ورجاله وقواته إلى نجد
وبالتحديد غرب البجادية وبالقرب من جبل النير المعروف وضع رحله
و أرسل السباره للاستطلاع وأخباره عن موقع الإبل فتسلق أحدهم جبل النضادية
فأذا بالإبل وكانت للفلته من النفعه .
ورجع السباره مبشرين فأمر ابن رشيد بصب الغارة عليها، وصاح الصايح
وكان الطراد من جبل أبو نخلة إلى وادي بحار واستطاع خمسة رجال من الفلته
أن يردو الحلال من ابن رشيد وقومه.

قال الشاعر: راشد بن فليان الفليت

يالله يالمطلـوب ياقايـد الرجــــا=ياقايــدٍ حبـل الرجــا الممـدود
البـارحـــه ليـلـــي طويـلٍ عليــه=ما امرحت يوم أن العباد ارقود
هيض عليه منزلـــي قاعة الحجا=المــال روح والـوهــد مرجـــود
غاروا علينا القوم واخذوا حلالنا=وزادوا علـى نار الوقود وقــود
خمسة ترانا ما نسيــت احسابنـا=وهمــه كمـا نفــر الدبــا والدود
جــونا كـــما نـــوٍ تقوده مخيـله=يبرق وفـــي تالي سناه ارعود
والضلع جــونا من وراه ودونـــه=وردو عليـــنا النــايــر الشــرود
أنا ذبحت أثنيـــن وســــط الحله=عليــــهم الله والخـــيار اشهـود
غير الصويــب الـي تحـمل صوابه=وايضا فعـــولٍ ما لها عـــادود
وسفر يقول انـه ذبــح لـــه واحد=اموكــديــــنه ربعــــنا بوكــود
وعـــجار قالو لــي ذبح له سبعه=بالبندق الــــي ضـــربها يْــزود
ياسعد والله من نشـد عــن فعلنا=اما العــدو نكــــويه كــي وزود
خـلـو زاد الـطـيـر في مـخيـمهم=خـلـوه في مخـيـمهـم مـمـدود

المصدر :كتاب النفعه للكاتب تركي القداح ص315و316 هولاء هم حفظة التاريخ


وأنتم على قولتك عشره يامطير ونعم
وحـــنـــا يـاعـتــيــبـــة خــمـسـة فــقــط وأن دل هذآ على شي دل على شجاعة العتبان وقوتهم
وترى عندنا زود

آخر تعديل شوردي العتيبي يوم 09-Aug-2007 في 06:33 PM.