مـــعـــــركة الأنـــصـــر ,,,,,عتيبه وابن رشيد

[فارس برقا]

اسمحولي اني اذكر قصيدة الشيخ برغش الطواله في معركة الانصر

والتي قتل فيها ابنه ويقال ان اسمه عبدالله وفي من يقول ان اسمه ذيب

اختلفت الروايات

وهذي المعركه كانت على المقطه والشيابين وكادت تزل اقدامهم لولا اشتراك

الروقه فيها وترجيحهم كفت العتبان

بعد المعركه دخل برغش المجلس بن رشيد وكان متألم على فقدان ولد

شافه بن رشيد وشاف المه على ولد وحب يضهره من جو الحزن وقال :

ها يابن الطواله وش تقول في فعلنا

فرد عليه برغش وقال :

اقول ياامير وتعطيني الامان قاله قل ولك الامان

فقال برغش قصيدته :

مزن(ن) نشا من روس عالي جباله 0 0 0 0 خيل على الانصر وهاك الاراضين

خيل على الانصر حقوق(ن) خياله 0 0 0 0 امطر على ابن حميد هو والشيابين

وعقب اذبحوا جت فزعة(ن) من شماله 0 0 0 0 بولاد روق مرجحين الموازين

جونا كما سيل حدر بجتواله 0 0 0 0 جاد جودهم فوق الجياد الرباعين

والخيل جاها من سنعهم جفاله 0 0 0 0 مقادم الهيله صعوط المجانين

مالوا علينا ميلتن بحتماله 0 0 0 0 حنى سناعيس وجانا سلاطين

ومن ضرب اهل العمهوج رحنا قباله 0 0 0 0 مير اقمحن يا لابسات السباهين

ياكن ضربه وسط جماعي رجاله 0 0 0 0 قنيب ذيب في علو الضلاعين

وابن محيا ضايقونا عياله 0 0 0 0 من فوق قبن كنهن الشياهين

بشلفا مضاربها سوات الدحاله 0 0 0 0 منها الجياد والخيل راحت حراذين

رجنا وراجوا فوقنا بالعماله 0 0 0 0 والهوش طال وتالي الفعل جا شين

اولاد روق اهل الفخر والجماله 0 0 0 0 عجلين بالردات مثل الشياطين

كلن ينادي بالقشر من قباله 0 0 0 0 لين اذبحوا شمر وراحوا مطيعين

والحرب عقب اليوم ويش عداله 0 0 0 0 ان كان ماهادوا ترانا مهيدين

عقب ابلجن ياعبيد سمحن قباله 0 0 0 0 عادوا فرسان الهوج جفرين


والابلج يقصد فيه ولد