قصيده في الإبل

[سعد بن مطلق المقاطي]

الشعر في صـــــدري تقابس فتييله=قبس البــــــروق بليلـــةٍ مابها نور
تقبس وترعــــد من طوارف مخيله=صيفيةٍ مــــن فيضها جالــــــها دور
نوٍ يجــــود الخيـــــر ثم سال سيله=واسقى عروقٍ من تصاريف ودهور
ومن عقبهـا جاب الفكر من حصيله=ابيات شعــــــــرٍ من معاليق دكتور
يقــدح من القيفــــــان ويشـد حيله=مثل اللذي ينحت عـلى قمة صخور
فاحـت دلالــــــه والحق البن هيله=وده يقدم من هــوى البال مسطور
في اللـــي غــــــلاها مايدور بديله=حرشٍ تبدل ضيقـــــة الحال بسرور
ورثة قـرومٍ جيــــــل من بعد جيله=ملكــــــة يمينٍ ماتــورد علــــى بور
مصيـــونةٍ عند النشــــــاما دخيله=محفوظـةٍ في داخــل القلب وصدور
البل غنــــــاةٍ بالسنيـــــن الهزيله=اللي علـــى العربان قد جالهــا جور
يوم الفتى منجـــــاه رمحه وخيله=وبارودٍ احمر من هــــل الماقف يثور
اليا انتخى صيــــــاح علــــمٍ يبيله=ميقاف والميقــــــاف ماعنــه معذور
من فوق زينـــــات المهار الأصيله=يسكن غــــــلاها داخل القلب ويفور
يحمي حمـاها بالسيوف الصقيله=ياهي حيــــــاة العـــــز والا مع قبور
ضرب الرمـــــاح ودمٍ أحمر عديله=طنخة شجيعٍ ياصــــــل القـوم ويثور
يوم ان ولـــد اللاش يومي شليله=من شيٍ اكبـــــر من طواريه مذعور
والثانيـــه ماجــــــات بأية وسيله=الا بكنــــزٍ تملكــــــه كــــــف مقدور
يدفع لهــــــا بالكــم ماهي قليله=ياجعلهــــــا فــدوة سمينات وضمور
في وصـــــف ذودٍ ماخبرنا مثيله=مايجمعه ياكــــــود بالحـــال ميسور
سودِ غــــــواربها كمــــالٍ طويله=وارقابها جــــــردٍ بها الطول مشهور
والروس ضخمـه والأذاني عديله=واللحي ماكفــــــه ثلاثه من شبــور
والخشم راهـي والوفٍ فيه ميله=طوالٍ قوايمهــا على فجــــــة نحور
والخد عرضـــه وافيٍ في مكيله=واخفافهــــــا من شافهــا كنها قدور
ومن فوقها مجمــوع مثل النثيله=فاهق سنامٍ تالــــــي الظهـر مزبور
واذيالها منقــــوض راس وجديله=مضفــــــى عراقيبٍ هزيعات وظهور
وجنوبها فيهـــــا الوفاء والكميله=وجرومهــــا مثل الجبل عالي الطور
منقيةٍ ماحـــــط معهــــــا نفيله=معــــــربات من قديمــــــات وعصور
فصيلةٍ ياطيبــــــــها من فصيله=منقيــــــةٍ يفــــــرح بهـــا كل منعور
غزايز البل من نظــــــرها تهيله=فيهـــــا الغــــــلا والزين ثابت ومخبور
من شافها لاشك يبـــرى غليله=لوكــــــان بالدنيــا مكــــــدر ومقهور

صح لسانك
واسمحلي اني نسقتها