في نجد مالو ميلتن باحتمالي ** برقا وروق منزحة جمع الأجناب

[سعوط المجانين]

الشاعر الكبير شباب بن فايح القوبع يطل علينا بـ آخر روائعه

يالله ياوالي على كل والي = يامنزلن سوره تبارك والاحزاب
أنت الذي تحي العظام البوالي = وانته رجاي ومن ترجاك ماخاب
ياوراث الدنيا عليك اتكالي = ياغافرن زلات عبدك اليا تاب
طالبك يامولاي تقبل سوالي =ترفع مقامي مع محمد والاصحاب
هاض الضمير وقلت مما طرالي =مثايلن يطرب لها كل لعاب
غنيت يوم الشعر جاله مجالي =ولانيب في بدع التماثيل نصاب
وان كان ماقالو يجيب الجزالي = والا تركت الشعر وأغلقت الابواب
والشاعر اللي يرتخي للهزالي= يلقون فيه اهل المناقيد مضراب
وان شفت في بعض الصفوف انعزالي = مالي عن الربع الموالين مجناب
ربعي وأنا عن صف ربعي مبالي = في صف ربعي لوتحملت الاتعاب
رجلن بلا ربعن قصير المدالي = لوكان يفعل فعل أبو زيد وذياب
ومن لاعرفني كان عني يسالي =أنا عضياني من اولاد غصاب
ربعي لهم فالمجد سلم علالي =عراف وقضاتن يفكون الانشاب
واهل الصخا في مقدمات الليالي= ماحسبو في واجب الضيف بحساب
وان جاء نهارن فيه مس الحبالي = وحول بسوق المجزره كل غيهاب
خصيمهم منهم يذوق النكالي= يقفي بكبده مثل سم أسود الداب
وان حولو بالسيف دون التوالي= يشهدلهم عمهوج قطاع الارقاب
عمهوج سيف متيهين المتالي=اللي لروس اهل الطرابيش قصاب
من كف شالح محتمي كل تالي =تسعين غير اللي به الجرح ماطاب
الضيط ستر اللي زهاها الجمالي=بنت الشيوخ اللي زهت زين الأسلاب
جابو جملها وأشهب الملح صالي=يومن بعض الناس عن موقفه غاب
يوم الملح كنه رزيف الخيالي=وقام يتوخر عنه منهار الأعصاب
وجاء للرمك بين الصفوف أجتوالي =وشرع بمذلوق القنا كل معطاب
بياعتن للعمر لوكان غالي= ياما رمو بالسيف من لابس الكاب
اشيوخن تروي مرهفات السلالي=يبرونهم مزحم طوابير واسراب
شيخه شمل ماهوب صفرن يشالي=وموثقه من قدم شالح وتعاب
يشهد لهم تاريخ نجد المثالي =يومن كلن يقضب السيف بنصاب
عبرت عن ربعي وللعلم تالي=حنا عتيبه من عريبين الانساب
من روس هيلاً مثل شم الجبالي= أهل المهار السرد والسيف حطاب
في نجد مالو ميلتن باحتمالي=برقا وروق منزحة جمع الأجناب
تطحن رحاهم كل حباً جلالي= السيف يقصب وأحمر الدم سكاب
لين أستحلو وسط نجد احتلالي = كم بيت شيخن يشلعونه بالاطناب
يومنها ميدان ساحة قتالي= مابين منهوبن ومابين نهاب
قلته وأنا ما بخس حقوق الرجالي=كلن يكيل ويوفي الكيل بحساب
أحدن شرب من سلسبيلن وحالي =واحدن شرب سمن على الكبد غياب
لين استتب الامن والجهل زالي =في ظل حكام الشريعه والاعراب
اللي لهم هيبه وحكمن عدالي=وتخضع لهم هامات عكفان الاشناب
قاد السفينه صيرمياً نضالي= عبدالعزيز اللي دقم كل مخلاب
ورفع علم رايه عزيز الجلالي= ونادى مناد الحق في كل محراب
وكلن بسط كفه لكسب الحلالي= والشعب بايعهم على حق وكتاب
والصف واحد ماش فيه انفصالي= في وحده الكلمه وفي نبذ الارهاب
تحت شعار معدلين الميالي= عزوة هل العوجا مذللت الاصعاب
وفي عهد عبدالله كريم السبالي=ماعاد به طالب ولافيه طلاب
طور بلاده من جنوب وشمالي = وصارت صحاريها بساتين وأعناب
وصلو عدد ماكبرو للهلالي= على الرسول الهاشمي خير الأحباب

(منقول)

آخر تعديل سعوط المجانين يوم 04-Mar-2008 في 03:37 PM.