أحد ابناء الهيلا في مسابقة شاعر الجبيل

[الصف الواحد]

ملتقى الأمل
مسابقة شاعر الجبيل

يتنافس هذا اليوم خمسة شعراء

ومن بينهم


سعد بن فراج العتيبي

ولقد تقدم على المسابقه 125 شاعر.. وتم اختيار سعد بن فراج للمرحله الاخيره


وسوف يكون ثمانين بالمائه من اللجنه

وعشرين بالمائه تصويت

علماً بان ريع التصويت لصالح الجمعيات الخيريه

رقم التصويت :80840

رمز الشاعر سعد العتيبي : 66

التصويت يبدا اليوم الساعه الثامنه صباحا وينتهي الساعه الثامنه مساء
سوف يتم القاء القصائد اليوم في كورنيش الفناتير بعد الصلاة المغرب

وهذه احد قصائد الشاعر سعد بن فراج العتيبي:

يالله يـا كافـل ارزاق المخاليـق=ياعالـمً مابالصـدور الخـوافـي
ياكاسيً جرد الصحـاري زماليـق=والمبتلي بامرك يصيـر متعافـي
تفرج لقلبً عانق الهـم والضيـق=دايـم همومـه مقبـلاتً مقافـي
يلعبه الهاجوس ويغيـب ويفيـق=لعب الهبايب بالغصـون النحافـي
لولا الدلال المكرمـات المدانيـق=فنجالها لهمـوم قلبـي مشافـي
ولولا الضلوع اليابسات المغاليـق=ولولاي ادله خاطـري بالقوافـي
يفز مثل الـي كفـخ بالمسابيـق=حرً وحش يبغـى زراج الفيافـي
باسباب وقتً حرق الجوف تحريق=وقتً تغير صـار فيـه اختلافـي
منه الضماير ولعـت والمعاليـق=وخطرً على عقلي يصيبه خلافـي
قلو به حبوس الرجال المطاليـق=اهل الكـرم ومورديـن الرهافـي
اهل الشهامه طيبيـن المعاميـق=حلويين الالسن والضماير نضافي
صلبين الارياء حافظين المواثيـق=على النقا تفعـل وتاعـد وتافـي
مالفقو عـوج السواليـف تلفيـق=ولا تجتمع باهل العقول الخفافـي
وعلى العدو مثل الرماح الزواريق=وعون الصديق وطيبين الملافـي
وكثرو به الي للرخامه مشافيـق=الي على الهفوات تهرف اهرافـي
ناسً تـروج للنمايـم طواريـق=ياما وياما شذبو عـرض غافـي
ويسعون في نشر الفتن والتفاريق=والزند عن كسب النواميس طافي
هذارة المجلس بعـوج المناطيـق=درب الردى تمشيه والحظ هافـي
من لامني في سبهم يصبح معيـق=وعسى سنينـه كلبوهـا عجافـي
والحر ما يسكن بعـش الغرانيـق=وبين الردى والطيب فرق وتجافي
وقد قيل في ماض السنين العواتيق=جميع طير ً مع شبيهـه يشافـي
والمرجله مثل الجبال الشواهيـق=ما يعتليها مـن زنـوده ضعافـي
تصعب على راع العلوم الخذاريق=الي يجالـس لا بسـات الغدافـي
والمدح مايرفع رخـومً سواحيـق=والذم ما يـردي عديـم ً سنافـي
واليا بـلاك الله بربـع ً مطافيـق=اصبر على ماقال صقر النصافـي
الصبر مفتاح الفـرج والتوافيـق=ولا بد من عقب الشدايـد عوافـي
تمت وانا مالي على الناس تحقيق=والي ذكرته باول الشـرح كافـي