ناصرالمرشدي
سلام الله سلام فيه من ريح الخزامى ريح=وريح والمسك والريحان واليشموم والكادي
عسى حظ الشجيع يقوم وحظوظ الرخوم تطيح=تحول من علو الضلع لان تطيح فالوادي
معجب العتيبي
هلا يامرحبا ترحيبة تبعد عن التلميح=وتنصى الصاحب اللي غايبٍ مده عن النادي
اشوف المرشدي مقبل علينا ياعرب ويصيح=ماضن المرشدي ياهل المعرفه واحدٍ غادي
ناصرالمرشدي
يدوم الك البقاء ياللي تغلب منهج التوضيح=انا لو غبت عنكم مانسيت الملح والزادي
يقولون الرجال الجم يرهى والدلي تميح=ياعل البير ماتلحق وتروي كل ورادي
معجب العتيبي
ياناصر لو كتمنا العلم وابعدنا عن التصريح=يبين العلم باكر فالجرايد ثم فالرادي
الا ياقو جلدٍ رغم حد الموس للتشريح=بقا ثابت على لونه يشوفه كل الاشهادي
ناصرالمرشدي
اذا ماصرت مبدع يالعتيبي زيح عني زيح=ماحب اللي بلا معنى يجيب الهرج متقادي
تبين حراسة الحارس ليا جت ضربة الترجيح=مواقيفٍ تبين جودة الممتاز والعادي
معجب العتيبي
ياويل المرشدي قرّب دروب النقد والتجريح=اشوفه جنّب الدرب الصحيح وصار متحادي
ترا التصويب فالمرمى فرق عن لعبة التسطيح=وابو يعقوب شوته فرق عن شوتة ولد هادي
ناصرالمرشدي
يبيح السر من كلمه غريب السر كيف يبيح=وانا ادر انه وراء حدب الضلوع العوج من غادي
الا ياوجد حالي يازمان بخيت وشليويح=انا وشلون اسوي في زمن سرداد مردادي
معجب العتيبي
الا ياصاحبي وش فيك مثل الزبد قمت تسيح=تركد قبل لاتبدي علومك والله البادي
توجد ماتوجد تكثر التهليل والتسبيح=ماوالله يظهر مع الناس عنك اليوم نشادي
« آخـــر الـــمـــشـــاركــــات »
10-May-2008, 12:39 AM
العرض الشجري