هذه القصيده مرسله الى المهندس

[عبدالله نقاء العريدي]

ياهل الســــفاري لانويتوا تــرحـــون = تــكــــفون مـــروايــالنشــاما عليه
مـــروا عــــلينا يـــا هل الطيب تكفون = عـــندي لـــكم بـــراد مع شــاذليه
وليا تقهويتوا علـــى مـــــا تحــــبــون = اللى تــبونــه مـــن عــيوني هديه
بس اصبـــــــروامن فضلكم لاتعجلون = لين اكتب المكتوب ياهل الحمــيه
خـــــطن لابو متعب من الرس مازون = امانــتن مــعــكم لــزبــن الـــونيه
امشوا بحفظ اللي له النــا س يدعـــون = سامع دبيـــب النمل رب البر يه
وتــرى الجـــبيل يســــــاركم لا تعدون = ستين كـــيلو بـــس ما هيب شيه
بــــجبــيل تو لـــيا وصــلـــتوا تـدقون = جـــوال رجـــلاٍ ما يجيب الرديه
امـــا العــشاء مــلزوم والا تــــغـــدون = عنده حدى الثــــنتين مـــــيه بميه
وليا خلصــتوامـــا بقى غـــــير تمشون = عطوه خــطي يا لوجيه الرضــيه
خلوه يــــقراء الخط وحــده على الهون = وانتم لـــكم منا الوفـــاء والتحيـه
انا يا بــو متــعب عــلى القلب مطعون = طعنٍ جديد العــــام ماهـــوب فيه
واشوف حالي صا ر من دون في دون = قامــت تــردى والــنواظــر شقيه
اســهـروكــل اللي بجنــبي ينامـــــو ن = والحــال والله يــابن مــتعب رديه
كــله ســبايــب بـــكرةٍ لــونــــها لــون = لــونـن ذبــحني ذ بحتن جــا هليه
ضاعت نها رالسبت خمسه وعشرون = في شهر خمسه روحت مــن يديه
واصبحت انشد كل صا حي ومــجنون = مع النا س احوم كل صبح وعـشيه
وحصلت لي ذكرٍ ولا هوب مضــمون = عــقب الــتعب ما بين روحه وجيه
ذكرت جنوب الــمملكه يــاهـل العــون = بديار من تعــرف مــواط الــمطيه
وانــتم رجــالٍ للـــقبا يــل تعـــرفـــون = وفــي كــل حاجــه ماعــليكم خفيه
لـــعـــلكــم للــي ذكـــرنــا تـــجيـبو ن = بالمــال والابــالــفعــول الــقــويه