العِضْيَان .. الَضِيْطُ.. فذو النِّير فالأعلامُ من جانب الحمى

[هنيدس الروقي]

نبي نواصل بس نبي نشوف وش سالفة هالصاعقة اللي ضربت في الحسا وصنعت في مكة !!

اللي أنا اعرفه ان الناس منول يروحون للحسا يشترون تمر ويكيلون

ما يجون محملين بصواعق !

ولو قلنا ان كل صاعقة ضربت في مكان صارت حديدة

أجل كل سنة بيصير عندنا في جزيرة العرب 5000 أو قل 6000 صاعقة

ما نقول بنضرب عمر الارض اللي هو 400000000 سنة

بنضرب 1000 سنة في 6000 يطلع عندنا ملايين الصواعق

خلاص الارض عندنا ما عاد تنبت زرع ولا رعي ولا شي

لان ما عاد فيه مكان من كثر الصواعق

وقد قال الشاعر العتيبي :

من صدور أهل الهقاوي ! نروي الهنداوي

ما قال نروي الصاعقة

والاقدم يقول :

بسيوف هندن ماضين برهانها

ما قال بسيوف صاعقتن مدري وين طاحت فيه !!!

والشواهد كثيره

يعني سيوف هندية ...او فيما معناه

وكلمة صاعقة هذي يستخدمها تجار اليمن وتهامة لتسويق خوصهم

اللي قلنا ان حديدتها لا تضاهي اطلاقاً حديد الجوهر الفارسي أو الهندي

(فمدري عيال هاليومين منين يستوردون هالكلام " صاعقة وما صاعقة" ويتركون تراث اهلهم)