من معلقات الفارس الامير تركي بن حميد

[ابو محمد الدعجاني]

السلام عليكم ورحمة الله وبركاته

هذه القصيده موجهه من الشيخ تركي بن حميد الى الشيخ مصلط بن ربيعان بعد معركه تخلى عن الشيخ تركي بن حميد الصعارين من مطير
وهم قد وعدوه بالمناصره وكان الشيخ مصلط بن ربيعان يم جبل شعر وبعيد عن برقا وكانت هذه المعركه مع الشيخ محمد بن هادي شيخ قحطان ويقال انها معركة البديعه

ياراكب اللي بقلهن تو ثنا=فج العضود مدمثات المحاصير
لاهن لاقعس ولاهن بدنا=متيهات في ليالي المخاضير
الصبح من وادي الرشا ينشرنا=من بيت ابو خالد زبون المقاصير
يلفن ابو تركي زبون المجنى=ريف الهشالى في الليالي المعاسير
الشيخ مثلك مانزل شعر عنا=وادنى عتيبه حايل دونه النير
جانا الصعيري قال صولوا وصلنا=صلنا نحسب انه على راي تدبير
واثر الصعيري فزعته ماج عنا=واقفن ظعونه عقب ماهن مناحير
وجينا على ركب الحريب ونزلنا=صرنا دواوير وصاروا دواوير
ياكبر زبر جموعهم يوم جنا=ارواحنا ترخص وهي للمقادير
بايماننا صوارم يقطعنا=سقي القنيده في حقوق الشخاتير
ومن عقب هذا لامطير وحنا=لاقرب جد ولابهم نية الخير
لكنهم يوم انجلى السو عنا=هذا طريح وذاك ذب المعابير
لي لابة تشلع مع السن سنا=ان كان بالغارات ولا الطوابير
ناس الا حلوا على القحص جنا=في منتهاه ننزحالنمر والزير