مجزرة غزه

[نايف الجازي]

السلام عليكم


غزه ومادار فيها من احداث وجرائم


حركت القريحه المجروحه والمشوشه


وجادة بهذه الكيبورديه المتواضعه ارجو ان ترتقي لذائقتكم

الله اكبر ياعدو الله لو الظلم يكبر=الله اكبر ياخنازير النصارىيالهودي
كيف في غزه جهارا تنثرون الدم الاحمر=من سلاح الذل والاجرام بيدين الشرودي
اشهد انا عايشين وميتين بوقتن اقشر=ليتنا قبله فنينا واندرقنا باللحودي
قبل لا يكبر بلانا في يد الشيطان الاكبر=ويتعدى حظن من رباه في بيت القرودي
والعدو يبقى عدو لا تامنه ويسوي اعبر=لو لقى العزل رماهم من يدينه بالفرودي
والدليل اليوم في غزه و كان اليوم الاغبر=تحت قصف المدفعيه والرصاص من العمودي
لو بغينا نصد عنهم عاودو للبث منظر=منظر يجرح ويذبح ماعنه والله صدودي
كيف ياحكام قولووعلمونا كيف نصبر=بعد ماعشنا وشفنا مايبيح للسدودي
لن سكتنا اليوم نقدرمير بكره كيف نقدر=في صعيد فيه ناقف ونتحرى للشهودي
يا الاهي وش جمعنا كلنا في يوم محشر=وش نقول وش نسوي انقول ردتنا الحدودي
التهينا بالتجاره والذهب والخام الاصفر=التهينا نسبر الترفات ونقيس النهودي
وش نقول ان الجزيره صايره للناس منبر=تنقل الاحداث خدمه ياظمايرنا الرقودي
راحت الاعذار خلسه والزمن ماعاد يعذر=والظمير الحي فينا يلتهب كنه وقودي
لن رفع راسه ثواني وقفوه بوسط مخفر=ولو يعيد اللي يقوله حط في رجله قيودي
امتلت ارض النبوه ياعباد الله منكر=والفتن ترعد وتبرق والعصاه لها رعودي
مانقول الا على الظالم عليه الله اكبر=واكثرو الله اكبر لو كتبتو بالردودي