(((مرثيه)))

[قرناس الصبيحي]

للشاعر محمد بن مطلق العتيبي في رثاء الامير تركي بن ربيعان قايد الحرس الوطني في عام
9\2\1402ه
غاب الامير وهلت العين عبرات\\\\من غيبة ياطولها من مغيبه

ليته بعيد وناصله مثل مافات\\\ومن غاب يرجع والليالي تجيبه

مير البلا من حفرة غرب سيهات\\\جرف هيال وحط فوقه نصيبه

ياوسع عذر اللي ترمي بالاصوات\\\من حسرة بين الضماير عطيبه

وربعه لهم لا حل طاريه زفرات\\\وعلى القبايل فقد مثله مصيبه

مايفقد الامثل الى مات\\\وعمر ابو ماجد حموله تعيبه

نوادر رفع لها المجد رايات\\\وسجل لها التاريخ سجل غريبه

اهل الثنا والجود واهل المروات\\\واهل المواقف للامور العصيبه

منابع للجود في كل الاوقات\\\ويدينهم من كل خير قريبه

كانت مجالسهم لحل الخلافات\\\تزخر برواد العلوم المصيبه

ضذ النميمه والخطى والحرازات\\\وراع الخصومينتهي مع طليبه

يوم السنين القاسيات المخيفات\\\كانت مواقفهم وراها عجيبه

كم قدمولابناءالوطن من خدمات\\\نالوا بها عز وقار وهيبه

عسى لهم في جند الخلد سجات\\\ومنازل بين الغصون الرطيبه

وطول البقاء للي تلقا المهمات\\\فيحان نوهاته تنومس قريبه

له ماقف عسر مناله وعادات\\\ورايه سديد وكلنا نقديبه

حرشهر من ماكر احرار الازمات\\\يشهد لهم تاريخ نجد العريبه

يوم عبوس ويوم كسب وسلامات\\\ويوم فرح بين الحريب وحريبه

شيوخ القبايل والرباعين بالذات\\\ كل يجازونه بخبثه وطيبه...
####