سلام رديَّةٍ تأتي على حسب الهواجيس..

[معجب العتيبي]

كبتن عتيبه

سلام رديَّةٍ تأتي على حسب الهواجيس=يجيبها قلبي الصادق وينطقها لساني!!
واللّي بعدها يابن سرحان لايلعبَّك أبليس=أبليس يدخل على الأخوان ويطش الخواني!!

ابن سرحان الثبيتي

يامرحبا ياخوي الجنب والحشمه لها قيس = وانا بقيس العلوم امشي ودربي ماغواني
ابليس ذا مذهبه والعلم عانه فالقراطيس = ياشاعر ٍ ينقد الشعار وايعرف المعاني

كبتن عتيبه

ياصاحبي مابنينا جدرنا من غير تأسيس=مير أنت تبني بلا سيسان وأخلفت المباني!!
ياحادي العيس وين أنته مروّح؟ تشعب العيس=ما قبلك الاّ بحر جدّه..تعيَّن درب ثاني!!

ابن سرحان الثبيتي

انا ادري انك تبا تمشي مع ادروب المعاكيس = اللي حدوني على درب ٍ مشيته ما عصاني
انت السبب فالمصايب كلها انته ياكديميس = مالك ومال الضلاع اللي على درب المحاني

كبتن عتيبه

شيٍ طبيعي تناسى كيف توليع الفوانيس=مادامت الكهربه ماتنقطع عنّكم ثواني!!
لن كنت عاشق وهاوي.. ما أنته مسوّي مثل قيس=قيس الملوَّح ..مايعشق مثل عشقه مودماني!!

ابن سرحان الثبيتي

سريتها وانت خابر وين ودوا عرش بلقيس = يومنها شافته بين الدقايق والثواني
لكن تدري وانا ادري ويش في سد الكواليس = اليا انتهى المشهد المزعوم بين اعيال ثاني

كبتن عتيبه

ترى اختلاف البشر ياصاحبي حسب التضاريس=وأنتم تضاريس ديرتكم مغيّرها الزماني!!
الغصن الأخضر محرّم فوقه المنشار والفيس=واليا قطعتوه قطعنّا المذاهب والعواني

ابن سرحان الثبيتي

اثرك مثل الرضيع اليا بكا واعطيته الديس = ماعاد يرضيه لامنه تعود شي ثاني
وانا ليا جيت اطالع فالنجوم اللي مقابيس = اشوف نجم الثريا حوله اسهيل اليماني