لومت من سبتك وش تستفيدين؟؟؟؟

[الخــراص]

الأخوان

أعضاء

وزوار


منتدى الهيـــــــــــــلا

أضع بين يديكم هذه المتواضعه

وأتمنى أن تحوز على القليل من أعجابكم

حسبي على هذا الزمن كيف غيرك=وين الكلام اللي من اول تقولين
كل شي تغير فيك حتى مشاعرك=من غيرك ياسيد كل المزايين
ملكتني بالحب واصبحت شاعرك=وسويت فيك من القصايد دواويين
ادموع عيني ياهوا البال تنذرك=وحالي طواه الهم وانتي تشوفين
واللي مصبرني على البعد خابرك=لو طوول الهجران لازم تعودين
تدرين ويش إيصير لي يوم اناظرك=كن برصيدي فوق عشرة ملايين!!
وش ذنب قلبٍ صار همه يسايرك=وأنتي طعونك كل يومٍ بسكين
ياما سهرت الليل من شان خاطرك=اسهر طوال الليل والناس ممسين
وانتي غرامي صار هالحين يسهرك=وصرتي خلاص من العشاء تبـتـنامين
الفرق واضح بين الأسلام والشرك=والكتب تعرف من حروف العناوين
سؤال واحد دار في جوف شاعرك=لومت من سبتك وش تستفيدين؟؟