يابوش وكلنتون وبوتن وشارون = ويّا بلير اللي يحب العجاجه
الله عطاكم فالعرب يوم تدرون = مابين ثور وبين واحد دجاجه
عربان لكن دمهم دم فرعون = على الضعوف يدورون الخراجه
إلزم كلام الصمت والصمت مضمون = والشعب خله فالمحيط وسياجه
القدس تبكي دم وحنا على الهون = باقي نخطط في طريق العواجه
حتى متى لعبة سياسة وقانون؟ = نبحث عن إحراج العدو.. وآحراجه!!
والله ماطق الخبر جيش شارون = حيثه عرف سر العرب والخواجه
يذبح ويسلخ يهتك أعراض وجنون = وعرباننا عقال تخشى المواجه
الله وأكبر نشرب الذل والهون = ونلبس من أغلا اللبس حمق وسماجه
والله وأكبر يطعن الكبد مسنون = ونضحك طرب ماكن فالكبد حاجه
باقي أمل فالرب ثم واحدن عون = عون العذارى في نهار المهاجه
هذاك أبو متعب حمى وضلع مزبون = نبعه قراح وفي عدوه هماجه
« آخـــر الـــمـــشـــاركــــات »
يابوش واكلنتون وبوتن وشارون....
العرض الشجري